Dankie dat jy hierdie eboek gekoop het! Ons hoor graag wat jy dink van hierdie boek. Gaan na www.cumuitgewers.co.za, soek hierdie titel en kliek op resensies. Of besoek ons by: www.facebook.com/christelikeboekesa https://twitter.com/cumuitgewers http://pinterest.com/cumuitgewers http://www.youtube.com/cumuitgewers
Inhoudsopgawe Januarie Februarie Maart April Mei Junie Julie Augustus September Oktober November Desember Ander eboeke deur Andries Enslin
Januarie
Seisoene van jou geestelike lewe Daar is n vaste tyd vir alles, elke ding onder die son het sy tyd: n Tyd om gebore te word en n tyd om te sterf. Prediker 3:1-2 1 Januarie Het jy al daaraan gedink dat jou geestelike lewe sei soene het net soos daar seisoene in die natuur is? Prediker 3 praat oor verskillende tye in n mens se lewe. Net soos daar verskillende fases in jou lewe is waartydens sekere dinge gebeur, is daar ook verskillende fases in jou geestelike lewe. Selfs as jy volwasse is, kan daar nog nuwe fases in jou geloofslewe aanbreek. Ons praat van geestelike sei soe ne, soos n seisoen van voorbereiding, n sei soen van droom of n sei soen van karakterbou. Wanneer jy tot bekering kom, be leef jy n seisoen van voorbereiding waarin jy dinge leer oor God en Hy jou toerus vir n taak. n Sei soen van drome gee vir jou n beeld van hoe God jou kan gebruik om iets tot stand te bring. In n seisoen van rus en seën kan jy die vreugde ervaar van sien hoe die Here iets laat realiseer het. Geestelike seisoene kom en gaan; daarom is dit belangrik om hierdie sei soene te identifiseer en bewustelik daarvolgens op te tree. Put die meeste uit elke seisoen, en groei nader aan God.
Die onvoorspelbaarheid van seisoene Ek sê vir myself: My lewe behoort aan die Here. Daarom vertrou ek op Hom. Klaagliedere 3:24 In die natuur volg seisoene mekaar op volgens n vaste orde, maar in ons geestelike lewe is daar nie n vaste patroon vir die verskillende fases nie. Ons verwag gewoonlik dat daar ná n werkseisoen n seisoen van rus sal wees, maar dit is nie altyd die geval nie. Ons kan dus nie bepaal watter geestelike seisoen ons volgende gaan beleef nie. Jeremia het byna deurgaans n seisoen van baie trane en gebrokenheid beleef. In Jeremia 14:17 sê hy: Dag en nag loop trane uit my oë. Ek kan nie op hou huil nie. Hy het nie ná hierdie hartseer seisoen n seisoen van vreugde beleef nie, maar hy het wel heeltyd naby God geleef. Soms voel dit of daar vir lang tye niks in ons geestelike lewe gebeur nie en ons voel aan dat iets moet verander. Of jy gaan deur n woestyntyd en jy verwag dit moet daarna lente word in jou geestelike lewe, maar dalk breek daarna n tyd aan van harde werk sodat jy jou uit hierdie woestyntyd kan werk. Wees voorbereid daarop sodat verkeerde verwagtings jou nie verhoed om die pad te stap wat die Here oor jou lewe bring nie. 2 Januarie
Stap die pad saam met God Lei ons terug na U toe, Here, sodat ons by U kan uitkom. Klaagliedere 5:21 Geestelike seisoene herhaal hulleself dikwels in ons lewe. Wanneer jy n seisoen van hartseer en gebrokenheid beleef, kan die Here jou later weer deur so n tyd laat gaan. Wanneer so n seisoen herhaal, is dit nie n fout aan God se kant nie. Net so ook wanneer jy n seisoen van vreugde en seën beleef: Dit is nie noodwendig die laaste keer dat jy so iets in jou lewe sal ervaar nie. Elke keer wanneer jy deur n nuwe seisoen gaan, is daar nuwe voorbereidings, nuwe werk, nuwe seën, nuwe antwoorde, nuwe drome. Elke seisoen het ook sy eie vreugdes en pyn. Elke seisoen het sy uitdagings, sy moeilike dinge om deur te werk en elke seisoen het sy seëninge selfs die woestyntye. Dit was in Jesus se woestyntyd dat engele gekom en Hom bedien het. Daar is dus vreugde en seën in die woestyntyd ook. Die belangrike ding is om in elke seisoen in jou geestelike lewe naby aan God te leef en Hom te vra wat Hy deur elke seisoen in jou lewe wil doen. 3 Januarie
Deur Jesus tot alles in staat Ek weet wat dit is om boomskraap te lewe, en ek weet wat dit is om oorvloed te hê. Ek het lewenservaring opgedoen vir alle omstandighede. Filippense 4:12 Paulus verduidelik aan die gemeente in Filippi dat hy ervaring het van alle soorte lewensituasies. Hy weet wat dit is om swaar te kry, en hy het ook al voorspoed beleef. Hy ken albei kante van die lewe. En wat is sy gevolgtrekking? Dit maak nie saak in watter seisoen van die lewe jy is nie, wanneer jy in Christus bly, kan jy alles hanteer en verwerk. Onthou, die Here beheer die seisoene in jou lewe. Hy laat n seisoen begin en eindig. Jou gehoorsaamheid in daardie tyd is egter van groot belang. Hoe jy die seisoen hanteer en wat jy doen, is die bepalende faktor. Indien die Here n sekere seisoen oor jou lewe bring om jou sekere dinge te leer, sal die seisoen verbygaan sodra jy daardie dinge geleer het. Indien jy hardkoppig bly en lank vat om te leer, kan die seisoen dalk langer duur. Wanneer die Here jou voorberei vir n opdrag, sal die seisoen van voorbereiding tot n einde kom wan neer jy gereed is om die opdrag uit te voer. Die Here se tydsberekening is altyd perfek. 4 Januarie
Ander eboeke deur Andries Enslin Hoor die hartklop van God Hoor die hartklop van God deur bekende prediker Andries Enslin bestaan uit 366 kragtige oordenkings wat jou waarlik sal inspireer. Met dié volkleur-boekie met temas soos God is liefde, diensbaarheid, vreugde en gees telike fiksheid sal lesers daagliks God se nabyheid beleef. Lees die eerste hoofstuk gratis by www.cumuitgewers.co.za
7 ritmes binne 7 dae (saam met Tom Smith) In vandag se gejaagde lewe is dit belangriker as ooit om in pas te kom met Jesus. Andries Enslin en Tom Smith bespreek in 7 ritmes binne 7 dae maniere om toegewyde en Geesvervulde volgelinge van Jesus te word deur jou lewensritme te verander. God se hart klop skep n ritme waarby ons moet inval om sy koningskap op aarde uit te brei. Die 7 ritmes in hierdie boek het hulle wortels in die kyknet-program Die Woord. Lees die eerste hoofstuk gratis by www.cumuitgewers.co.za
Word stil voor God (saam met Marius Nel) In Word stil voor God stel Marius Nel en Andries Enslin jou bekend aan die gebedspraktyk wat deur die woestynvaders ontwikkel is, naamlik: lees in die teenwoordigheid van God die Skrif gedeelte, bepeins daaroor sodat jy kan sien wat God vir jou wil wys; reageer in gebed wanneer jy sy stem hoor; en rus in die Here totdat jy weet wat Hy van jou vra. Stap in Word stil voor God in 40 dae saam met die skrywers op hierdie pad van stil-word, en ervaar n dieper, meer vervullende gebedslewe. Lees die eerste hoofstuk gratis by www.cumuitgewers.co.za