1, 2 Боллрүм, 1-р давхар, Шангри Ла зочид буудал Улаанбаатар, Монгол Улс 2015 оны 9-р сарын 24-ний өдөр

Transcription

1 1 Төв Азийн Бүс Нутгийн Эдийн Засгийн Хамтын Ажиллагааны Хөтөлбөр (КАРЕК)-н Хөрөнгө оруулалтын чуулга уулзалт - Дэд бүтцийг сайжруулснаар КАРЕК-н бүс нутгийн интеграцичлал, Монгол Улсын эдийн засгийн төрөлжүүлэлтийг нэмэгдүүлэх нь Ерөнхий мэдээлэл, үндэслэл 1, 2 Боллрүм, 1-р давхар, Шангри Ла зочид буудал Улаанбаатар, Монгол Улс 2015 оны 9-р сарын 24-ний өдөр Төв Азийн Бүс Нутгийн Эдийн Засгийн Хамтын Ажиллагааны Хөтөлбөр (КАРЕК) нь Евразийн газар нутагт хөгжил, худалдаа, арилжаа наймааг дэмжих зорилгоор хамтран ажиллах 10 улсыг нэгтгэсэн түншлэл юм, ингэхдээ олон талт хамтын ажиллагааны зургаан байгууллагын зүгээс дэмжлэг, туслалцаа авч байна. КАРЕК хөтөлбөрийн гишүүн орнууд эрчим хүч, эрдэс баялгийн асар их нөөцтэй бөгөөд эдгээр нөөц, баялгийн экспорт ба газрын тос, байгалийн хийн салбарт хийгдсэн гадаадын шууд хөрөнгө оруулалт сүүлийн 10 жилийн эдийн засгийн өсөлтөнд нь голлох нөлөө үзүүлсэн. Ингэснээр эдгээр улсын эдийн засаг уул уурхайн бүтээгдэхүүний үнийн савалгаанд хэт өртөмтгий, мөн зах зээлийн нөхцөл байдлын өрнөлөөс шууд хамаарсан эмзэг шинж чанартай болсон. Эдийн засгийг төрөлжүүлж, өрсөлдөх чадварыг нэмэгдүүлэхийн тулд төр болон хувийн хэвшлийн зүгээс өндөр чанартай хөрөнгө оруулалтуудыг хийж, эдийн засгийн өсөлтийн шинэ эх үүсвэрийг бүрдүүлэх хэрэгтэй болдог. Гэхдээ эдийн засгийг төрөлжүүлэх, хувийн хэвшлийг бэхжүүлэхэд чиглэсэн хууль эрх зүйн ба зохицуулалтын орчинг бүрдүүлэх, мөн бизнесийн орчин, хөрөнгө өмчлөх эрх ба хуулийн засаглал, дампуурлын журам, засаглал, үнийн хяналт зэрэг тулгамдсөн асуудлыг шийдсэн бүтцийн өөрчлөлт, шинэчлэлийг тууштай үргэлжлүүлэх нь илүү чухлаар тавигдагддаг аж. КАРЕК 2020 нь тус хөтөлбөрийн дараагийн 10 жилд хэрэгжүүлэх стратеги юм. Далайд гарцгүй орнуудыг хуурай газарт гарцтай эдийн засаг болгох зорилгыг дэвшүүлсэн. Худалдааны эргэлтийг нэмэгдүүлэх, өрсөлдөх чадварыг сайжруулах гэсэн тодорхой хоёр зорилтыг дэвшүүлсэн бөгөөд үүнийг биелүүлэхийн тулд тээвэр, худалдааг хөнгөвчлөх арга хэмжээ, худалдааны бодлого, эрчим хүч, эдийн засгийн корридор гэх мэт тодорхой үйл ажиллагаанд төвлөрсөн, бодит үр дүнд чиглэсэн, бүс нутгийн хэмжээний төсөл, санаачилгыг дэмжин хэрэгжүүлдэг. Хөрөнгө оруулалтын чуулга уулзалт нь нэгдүгээрт, өнөөг хүртэл гаргасан амжилтаа харуулах, хөрөнгө оруулалтын орчиндоо сайжруулах шаардлагатай байгаа зүйлсийг олж тогтоох; хоёрдугаарт, дотоодын болон гадаадын хувийн хэвшлийн (тодруулбал, хөгжүүлэгч, санхүүжүүлэгч, технологи болон шийдэл нийлүүлэгч талуудын) анхаарлыг татаж бүс нутагт хөрөнгө оруулах сонирхлыг төрүүлэх; гуравдугаарт, АХБ, хувийн хэвшил, хөгжлийн түншүүдтэй хамтран КАРЕК хөтөлбөрийн гишүүн орнууд болон бусад үйлдвэржсэн орнуудын хөрөнгө оруулагч нараас хөрөнгө оруулалт татах тодорхой бөгөөд шинэлэг шийдэл боловсруулах боломжийг КАРЕК-н гишүүн орнуудад олгох юм. Чуулга уулзалтын турш Монгол Улс болон КАРЕК хөтөлбөрийн бусад гишүүн орнууд АХБ, хувийн хэвшил, төрийн байгууллага болон хөгжлийн бусад түнш байгууллагатай мэдлэгийн түншлэлийг гүнзгийрүүлэн хөгжүүлэх юм. Монгол Улс нийт үнэлгээ нь ойролцоогоор 1-3 их наяд орчим ам.доллар бүхий ашигт малтмалын нөөц баялагтай бөгөөд нүүрс, зэс, алтны нөөц нь хамгийн өндөрт тооцогддог. Ашигт малмталын нөөц, баялаг арвин тул уул уурхайн салбарт гадаадын шууд хөрөнгө оруулалт цутган орж Монгол Улс эдийн засгийн өсөлтийн үзүүлэлтээр бүс нутагт хамгийн өндөр орнуудын нэг болсон.

2 2 Сүүлийн 10 жилийн турш бодит ДНБ өсөлт дунджаар 9 хувьд, нэг хүнд ногдох орлогын хэмжээ 4 дахин нэмэгдэж 4000 гаруй ам.долларт хүрчээ. Монголын эдийн засгийн суурь хэт явцуу байгаа нь улс орныг гадаад шоконд өртөх магадлал өндөр хэт эмзэг байдалд оруулсан, тодруулбал ашигт малтмалын бүтээгдэхүүн нийт экспортын 90 хувийг эзэлж байгаа бөгөөд тэр чигээрээ БНХАУ руу гарч байна. Төрөлжүүлэлт байхгүйгээс эдийн засагт өсөлт-уналтын цикл ээлжлэн давтагдах болов оны 2-р сарын 18-нд УИХ-аас Эдийн засгийн хүндрэлээс гарах арга хэмжээний хөтөлбөрийг баталсанд нийгмийн хамгааллыг бэхжүүлэх, хөрөнгө оруулалтын орчинг сайжруулах, ГШХО-ыг нэмэгдүүлэх, экспортыг дэмжих арга хэмжээнүүд багтжээ. Монгол Улсын зүгээс гаргасан тус улсын эдийн засгийн өрсөлдөх чадвар, хөгжлийг дэмжих зорилгоор бүс нутгийн хамтын ажиллагаа, интеграцичлалыг гүнзгийрүүлэх санал санаачилгыг АХБ дэмжих байна. Эдгээр арга хэмжээнд дараах зүйлс багтсан байна. Үүнд: (i) хол, ойрын улс орнуудтай худалдаа, хөрөнгө оруулалтын харилцааг хөгжүүлэхэд зайлшгүй шаардлагатай тээврийн корридорыг өргөжүүлэх, дуусгах, худалдааг хөнгөвчлөх; (ii) экспортын чиг баримжаа бүхий эрчим хүчний салбарыг хөгжүүлэх, эрчим хүч экспортлох нөөцийг хөгжүүлэх төр-хувийн хэвшлийн түншлэлийг ахиулах боломжийг судлах; мөн (iii) байгаль орчны хамгаалал, халдварт өвчнөөс урьдчилан сэргийлэх зэрэг хил орчмын хүндрэл, бэрхшээлийг шийдэх талаар бүс нутгийн яриа хэлэлцээ өрнүүлэх зэрэг орсон. Үүнээс гадна, АХБ-ны зүгээс үндэсний төсөл, хөтөлбөр хэрэгжүүлэхэд нь Монгол Улсад дэмжлэг үзүүлж байгаагаас зарим нэгийг дурьдвал (i) тээврийн салбарт: зам засвар, замын салбарын чадавхийг бэхжүүлэх, хотын тээврийн төслүүд, (ii) эрчим хүчний салбарт: Улаанбаатарын дулаан, цахилгаан, эрчим хүчний үр ашиг, сэргээгдэх эрчим хүч, бүс нутгийн эрчим хүчний стратегийн төслүүд, (iii) хотын хөгжил, ус хангамжийн салбарт: усны хангамж, эрүүл ахуй, хотын захиргааны бусад үйлчилгээ, хотын хөгжлийн салбарын төслүүд багтана. Уг чуулга уулзалтын хүрээнд олон улсын ба дотоодын томоохон хөрөнгө оруулагч нар хуран цуглаж зөв хөрөнгө оруулалтыг хэрхэн олж тогтоох, хэрэгжүүлэх талаар өөрсдийн туршлагаас хуваалцаж, КАРЕК хөтөлбөрийн гишүүн орнуудын өндөр албан тушаалтнууд тус тусын улс орны бизнест хөрөнгө оруулах боломж, хөрөнгө оруулалт татах тэргүүлэх салбаруудаа танилцуулна. Олон улс орны хувийн хэвшлийн хөрөнгө оруулагч нар төр засгийн удирдах албан тушаалтан, гадаад, дотоодын хувийн хэвшлийн компаниуд, КАРЕК-н бүс нутгийн тээвэр, зуучийн байгууллагуудын холбоод, хөгжлийн олон талт байгууллагуудтай уулзах боломжтой. Шинэ мэдлэг, мэдээлэл олж авахыг зэрэгцээ Монголын болон КАРЕК-н улс орнуудын бизнесүүд, ижил бодол, хүсэл эрмэлзэлтэй олон улсын хөрөнгө оруулагч нартай хэлхээ холбоо тогтоон харилцах өвөрмөц, ховор боломжийг чуулга уулзалт олгож байгаа юм. Чуулга уулзалтыг КАРЕК-н санхүүгийн дэмжлэг, Монголын Бизнесийн зөвлөлийн дэмжлэгтэйгээр АХБ, Эрдэнэс Монгол ХХК хамтран зохион байгуулж байна. Эрдэнэс Монгол ХХК нь Монголын хөрөнгө оруулалтын хамгийн том холдинг компани бөгөөд түүний эзэмшилд буй хараат болон охин компаниуд нь сайн засаглалыг мөрдөн ажиллаж буйг баталгаажуулан, үндэсний баялгийг үр өгөөжтэй байлгах, үндэсний компаниудыг олон улсын хэмжээнд өрсөлдөх чадвартай болгоход анхаарч ажилладаг. Монголын Бизнесийн зөвлөл нь Монголд худалдаа, хөрөнгө оруулалтыг дэмжих зорилгоор 2007 оны намар үүсгэн байгуулагдсан.

3 3 Хөтөлбөр 2015 оны 9- р сарын 24 Оролцогчид: Олон улсын хувийн хэвшлийн хөрөнгө оруулагч, тээвэр зуучийн холбоод, КАРЕК хөтөлбөрийн гишүүн орнуудын засгийн газрын удирдах албан тушаалтнууд, хөгжлийн олон талт байгууллагууд, Монголын бизнесийн төлөөлөл зэрэг 150 орчим хүн Бүртгэл Чуулга уулзалтын нээлт, хөтөлбөрийн тойм: Чуулга уулзалтын зорилтууд Хөтлөгч: Ноён Камерон МакРэй, Үндэсний стратегийн хүрээлэнгийн ерөнхийлөгч Нээлтийн үг Ноён Аюуми Кониши, АХБ-ны Зүүн Азийн бүсийн газрын ерөнхий захирал, АХБ-ны Төв, Баруун Азийн бүсийн газрын ерөнхий захирал ноён Шон О Салливаныг төлөөлж Ноён Баянжаргалын Бямбасайхан, Эрдэнэс Монгол ХХК-н гүйцэтгэх захирал, Монголын Бизнесийн зөвлөлийн ТУЗ-ийн дарга Хуралдаан 1: КАРЕК амжилтад хүрэх жор Олон улсын ба дотоодын томоохон хөрөнгө оруулагч нар хуран цуглаж КАРЕК-н гишүүн орнууд, тэр дотор Монгол Улсад (ложистик, хөдөө аж ахуйн бизнес, дэд бүтэц, мэдээллийг технологи, уул уурхай, сэргээгдэх эрчим хүч зэрэг салбарт) хийх зөв хөрөнгө оруулалтыг хэрхэн олж тогтоох, хэрэгжүүлэх талаарх өөрсдийн туршлагыг зарим бодит жишээн дээр тулгуурлан хуваалцана. Хөтлөгч: Ноён Камерон МакРэй, Үндэсний стратегийн хүрээлэнгийн ерөнхийлөгч Илтгэл: КАРЕК-н гишүүн орнуудад хөрөнгө оруулах нь: Эдийн засгийн төвүүдийг холбох нь, Ноён Наоюки Ёшино, АХБ-ны Институтын захирал Хувийн хэвшлийн хөрөнгө оруулалтад тулгуурласан эдийн засгийн өсөлтөд хамгийн их нөлөөлдөг хүчин зүйлсийн талаар танилцуулна, тухайлбал, дэд бүтцийг хөгжүүлэх, хүний капиталд хөрөнгө оруулах, үл мэдрэгдэх хэлхээ холбоог бий болгох, засаглалыг сайжруулах, мөн өрсөлдөх чадвар болон инновацийг дэмжих зэрэг багтана. Түүнчлэн, тэгш хүртээмжтэй өсөлтийг дэмжих, байгаль орчныг хамгаалах зэрэг нь улс орнуудын хувьд тогтвортой хөгжлийг хангахад нь нэн чухал үүрэг гүйцэтгэдэг Цайны завсарлага # Хэлэлцүүлгийн гишүүд: КАРЕК-н бүс нутагт хөрөнгө оруулсан Япон, Европын Холбоо, БНХАУ, АНУ зэрэг орнуудын олон улсын компаниудын топ удирдлага 1. Ноён Хонг Уэй, АХБ-ны Төв, Баруун Азийн бүсийн газрын орлогч захирал 2. Ноён Цэвэгмидийн Түмэнцогт, General Electric International компанийн гүйцэтгэх захирал 3. Ноён Жу Бангфу, CIMM группын ерөнхий менежерийн орлогч 4. Ноён Аллен Андерсен, Peace Field Limited компанийн ерөнхий захирал, үүсгэн байгуулагч 5. Ноён Асим Букш, Buksh Energy Private Limited компанийн ТУЗ-ын дарга 6. Ноён Стив Сондерс, Хойд Америк Монголын бизнес зөвлөлийн ерөнхийлөгч 7. Ноён Давид Роханна, APIAC компанийн гүйцэтгэх захирал Ажил хэрэгч үдийн зоог Хаана: Боллрүм 3, Шангри Ла зочид буудал Монголд зориулсан шинэлэг технологи ба санхүүгийн шинэлэг шийдэл Илтгэлүүд: Goldman Sachs, Эрдэнэс Монгол, КАРЕК

4 Гол илтгэл Ноён Чимэдийн Сайханбилэг, Монгол Улсын Ерөнхий сайд Зураг авалт Цайны завсарлага # Хуралдаан 2: КАРЕК - Боломж дүүрэн бүс нутаг Олон улсын хөрөнгө оруулагч нар хүрэлцэн ирсэн давуу талыг ашиглан КАРЕК-н гишүүн орнууд тус бүрийн улс оронд байгаа хөрөнгө оруулалтын боломж, тэргүүлэх чиглэл, олгож буй урамшуулал зэргийг (тус бүр 5 минут) танилцуулж гадаад, дотоодын хөрөнгө оруулагч нарыг татах туршлагаас өөр хоорондоо хуваалцана. Хөтлөгч: Ноён Дэвид Пиллинг, Financial Times Business-н Азийн бүсийн эрхлэгч Хэлэлцүүлгийн гишүүд: КАРЕК-н гишүүн орнуудын төлөөлөгчид 1. Ноён Ахмад Монир Навиед, Афганистаны Төв банкны Ипотекийн газрын ерөнхий захирал 2. Ноён Алишербек Пайгамов, Узбекистаны Гадаад эдийн засгийн харилцаа, хөрөнгө оруулалт, худалдааны яамны Мэдээлэл, дүн шинжилгээний газрын дарга 3. Ноён Янг Женгвэй, БНХАУ-ын Худалдааны яамны газрын дарга 4. Хатагтай Гүлмира Аубакирова, Казакстаны Хөрөнгө оруулалт, хөгжлийн яамны Эдийн засгийн интеграцичлалын газрын Салбарын бодлого, дүн шинжилгээний хэлтсийн ахлах мэргэжилтэн 5. Ноён Медербек Алиев, Киргизийн Эдийн засгийн яамны Гадаад хөрөнгө оруулалтыг дэмжих агентлагийн Хөрөнгө оруулагчийг дэмжих хэлтсийн дарга 6. Доктор Банзрагчийн Дэлгэрмаа, Монгол Улс Ерөнхий сайдын ахлах зөвлөх 7. Хатагтай Анжум Ассад Амин, Санхүү, орлого, эдийн засгийн явдал, статистик, хувьчлалын яамны Эдийн засгийн явдлын хэлтэс, нэмэлт нарийн бичгийн дарга, КАРЕК-н үндэсний зохицуулагч, Пакистан 8. Ноён Лочин Файзуллозода, Тажикистаны Хөрөнгө оруулалт, төрийн өмчийн удирдлагын хорооны орлогч дарга 9. Ноён Заур Гардашов, Азербайжаны Эдийн засаг, үйлдвэрийн яамны дэргэдэх Азербайжаны Экспорт, хөрөнгө оруулалтыг дэмжих сангийн Хөрөнгө оруулалтыг дэмжих газрын дарга Цайны завсарлага #3

5 Хуралдаан 3: Бүс нутагт дэд бүтцээр холбогдсон Монгол Улсад хөрөнгө оруулах нь Олон улсын хөрөнгө оруулагч нар Монголд бизнес эрхлэх туршлагаасаа хуваалцана. КАРЕК-аар бүс нутагт дэд бүтцээр холбогдсон Монгол Улсад үр дүнтэй, тогтвортой, таатай бодлого хэрэгжүүлэх, мөн хөрөнгө оруулалтанд учирч буй саад бэрхшээлийг арилгахад нь туслах үүднээс олон улсын хөрөнгө оруулагч нар боломж бололцоо, стратегийн хувилбаруудыг хэлэлцэх болно. Хөтлөгч: Ноён Д.Зоригт, Монголын Хөгжлийн стратегийн хүрээлэнгийн удирдах зөвлөлийн гишүүн Хэлэлцүүлгийн гишүүд: Олон улсын гол хөрөнгө оруулагчид, БНХАУ, Европын Холбоо, АНУ-ын худалдааны компаниуд 1. Ноён Тиерри Плэйзант, Areva Mongol компанийн ерөнхий захирал 2. Ноён Жанцан Бадамдорж, Siemens компанийн Монгол дахь Төлөөлөгчийн газрын ерөнхий менежер 3. Ноён Стив Поттер, Wagner Asia группийн гүйцэтгэх захирал 4. Ноён Маохе Чен, БНХАУ-ын Хөгжлийн банкны Монгол дахь тэргүүн төлөөлөгч 5. Ноён Лоик Попиел, Electricite de France Эрчим хүчний систем, дамжуулах инженерийн төвийн Азийн бүсийн төлөөлөгч 6. Ноён Ч.Отгочулуу, Эрдэнэс Монгол ХХК-н ерөнхий эдийн засагч Хаалтын үг Ноён Аюуми Кониши, АХБ-ны Зүүн Азийн бүсийн газрын ерөнхий захирал Ноён Ч.Отгочулуу, Эрдэнэс Монгол ХХК-н ерөнхий эдийн засагч КАРЕК-н Дээд хэмжээний уулзалт, Сайд нарын хурал ба Хөрөнгө оруулалтын чуулга уулзалтын оролцогчдод зориулсан Хүндэтгэлийн оройн зоогийг Эрдэнэс Монгол ХХК барина Хаана: Скай Резорт Монгол Улс, Улаанбаатар хот 976, Богдхан Уулын Хүрхрээ аманд. Замд орчим минут зарцуулна. Унаа: Шангри Ла зочид буудлын лоббигоос 18:10 цагт хөдлөнө. Хувцаслалт: Бизнес, дулаан гадуур хувцастай