Pinkster In hierdie uitgawe: Maandelikse gebedstemas. NG Gemeente Meyerspark April Jaargang 10 Uitgawe 3

Transcription

1 NG Gemeente Meyerspark April Jaargang 10 Uitgawe 3 Pinkster 2013 Pinkster is altyd n spesiale tyd van die jaar. Net die woordjie pinkster bring by baie mense mooi en wonderlike herinneringe uit die verlede na vore. Dalk kan jy ook terugdink aan so n pinkstergeleenheid en getuig van n geestelike verryking in jou eie lewe. Met pinkster val die klem in die besonder op die Persoon en werk van die Heilige Gees. Daarom wil ons jou nooi om weer vanjaar van 5 tot 9 Mei saam met ander medegelowiges pinkster as n fees te kom vier, en mag dit vir jou n fees wees. Die bekende ds Andrew Murray het oor pinkster n boek geskryf met die titel: Power for your life. In die boek het hy o.a. die volgende pinkstergebed geskryf: Here Jesus, U het u Heilige Gees in ons harte gestuur om die krag en lewe in ons binneste te wees en om Uself aan ons te openbaar. Laat u kerk tog hierdie waarheid insien en die krag daarvan in sy eie lewe ervaar. Mag elke ware gelowige die inwoning en leiding van u Gees ervaar, Here. Leer my, o God, om op U te wag terwyl u Gees in my werk. Gee asseblief dat ek altyddeur bewus sal wees van die feit dat Christus se Gees in my woon. Amen! Daar word vanjaar weer twee pinksterreekse aangebied: Oggendreeks 09:30 - Maandag 6 tot Donderdag 9 Mei Aandreeks 18:30 - Maandag 6 tot Donderdag 9 Mei Albei reekse sluit op 9 Mei (Hemelvaart) af met n nagmaaldiens. Almal welkom nooi gerus jou vriende saam na die byeenkomste. Tydens die aandreeks beoog ons ook n jeugpinkster in die saal. Ouers kan hul kinders hierheen bring en die reeks in die kerk bywoon. Die tyd is min. Bid saam met ons dat die Here opnuut sy kerk sal toerus met die krag van die Heilige Gees om sy getuies te wees in Jerusalem, sowel as in Judea en Samaria en tot in die uithoeke van die wêreld (Hand 1:8). In hierdie uitgawe: Maandelikse gebedstemas Die band wat Christelike kerke saambind Gholfdag help leerders Kategese 2013 Die hare waai teen Kanker p3 p5 p6 p7 p7 Jaar van Hoop Egte hoop is om te weet die toekoms behoort aan hulle wat aan God behoort (WT Purkiser)

2 Goeie Nuus 2 Hoop is die hande waarmee geloof aan God se liefde vashou - Prof Phil Botha In die nood wat ook Christene soms beleef, het ons n behoefte om van God se liefde verseker te word. Ons glo dat God liefde is, maar wanneer ons geloof te kort skiet, steek ons die hande van hoop uit om God se liefde te gryp en daaraan vas te hou. Die Bybelse begrip van hoop sluit in dat ons vertrou dat God sy beloftes sal hou, dat ons n verlange het na die verlossing wat Hy beloof het, en dat ons bereid is om volhardend te wag tot God daardie beloftes waar maak. Daardie drie aspekte van vertroue, verlange, en volhardende wag kom al drie in Psalm 130 ter sprake. Hierdie psalm is n pragtige gebed wat ons as n vertrouenslied kan beskryf die digter bou sy hoop op God se vergifnis en beskryf hoe hy op die Here wag en op sy woord hoop, want hy verkeer in nood. Hy beskryf sy nood as dieptes uit die dieptes roep ek U aan, o Here! (v. 1) In die ander vier plekke in die Ou Testament waar hierdie woord dieptes voorkom, word elke keer van diep plekke in die see of n moeras gepraat. Die beeld suggereer dus die gevoel van iemand wat besig is om te verdrink in diep water. Om so in die diepte af te sak, beteken om totaal van God en mens afgesny te word en nooit weer die lewenslig te aanskou nie. Dit is n besondere sterk beeld vir enige noodsituasie vir siekte of gevare wat n mens se lewe bedreig. Baie van ons lidmate ervaar sulke nood: Omdat hulle siek is of nie met hulle geld kan uitkom nie. Baie ervaar ook nood oor kinders of kleinkinders wat krisisse beleef. Dalk roep jy ook soos die psalmdigter uit die dieptes na die Here. Dit wil voorkom of die psalmskrywer se grootste nood sy sondeskuld was. Hy praat van die oortredings, beide sy eie en ook dié van Israel. Maar die agtergrond van die psalm is dat teenspoed, nood en siekte, in hierdie tyd deur baie mense gesien is as die Here se straf op sonde. Dit was ook die siening van die karakters wat ons in die boek Job leer ken as Job se vriende. Die psalmdigter deel egter nie hierdie oortuiging nie. Hy weet dit kan nie waar wees nie, want as die Here sonde hier en nou sou straf, sou niemand dit oorleef nie. Niemand sou kon bestaan as God ons sonde in hierdie lewe moes straf nie. Die Here hou nie boek van al ons oortredings om te kyk wanneer is daar by ons n debiet nie. Hy gaar nie straf op nie, maar vergewing. By God, sê Psalm 130, is daar baie vergewing (v.4), by Hom is daar baie liefdestrou (v.7), by Hom is daar ʼn oormaat van verlossing (v.7). Geregtigheid is wel een van God se eienskappe, maar vir die bidder in sy nood is dit nie die belangrikste eienskap van God nie. Sy liefde, sy vergifnis dít is wat hoop gee. Met die hande van hoop gryp sy geloof aan God se liefde en vergifnis vas. Nog n beeld wat hierdie psalm onvergeetlik maak, is die beeld van die wagte. Die wagte op die mure van ʼn stad en die wagte by die poort het deurentyd hulle oë ingespan om in die donker te soek vir enige teken van gevaar, ʼn teken van ʼn aanval. Daarom was hulle so bly as dit begin lig word. Nie alleen sou hulle wagbeurt spoedig verby wees nie, maar die uitkoms was daar, want in die helder dag sou die vyand dit nie waag om aan te val nie. Soos sulke wagte op die môre wag, so sê die digter, wag hy op die Here. Hy herhaal dit drie keer: Ek wag op die Here, my hele wese wag, my hele wese wag op die Here soos wagters op die môre, wagters op die môre (vv. 4-5). En tussen hierdie herhalings is daar die gedagte van hoop: Ek hoop op sy woord. Die woord van die Here waarvan hy praat sou die uitkoms wees waarvoor die bidder wag. Dit sou ʼn bevrydende woord wees, n woord van genade, n woord van uitkoms wat op pad is. Die Hebreeuse selfstandige naamwoord hoop is verwant aan die werkwoord vir wag : Wag is qawah, en hoop is Tiqwah. Baie mense weet dat Israel se Volkslied se naam Ha-Tiqwah is, Die Hoop. Op die webblad Wikkipedia, by die inskrywing Hatikvah, is daar onder andere n klankgreep van n groep Jode wat uit die Duitse konsentrasiekamp in Bergen-Belsen bevry is. Hulle sing hierdie aangrypende lied oor hoop. Vyf dae voor dié opname gemaak is, op 15 April 1945, het die geallieerde magte hulle van n gewisse dood gered. Baie van hulle sou kon getuig dat hulle hoop hulle behoud was, dat hulle medegevangenes wat hoop verloor het, van die eerstes was wat aan siekte of ondervoeding sou sterf. (Vervolg bl 3)

3 Goeie Nuus 3 Maandelikse gebedstemas Wat? Voorbidders GESOEK Ons gemeente is deel van n interkerklike gebedsaksie wat een keer per maand op n Donderdagaand vir gebed byeenkom. Die byeenkoms vind normaalweg by ons gemeente plaas. Gebedsriglyne word die voorafgaande Sondag by die eredienste beskikbaar gestel en ook per e-pos versprei. Bidders word versoek om in daaropvolgende week die gebedsriglyne in hulle gebed te gebruik. Hieronder is n lys met die gebedstemas vir elke maand. Die spesifieke week en die datum van die gesamentlike byeenkoms word elke maand aangekondig. Hierlangs word kontakinligting gegee indien u by die aksie betrokke wil raak. Maand Gebedsfokus Maart Goeie leiers April Die regstelsel Mei Onderwys Junie Huwelik en verhoudings Augustus Sport September Geestlike gesondheid van kerke in ons omgewing. Oktober Arbeidsverhoudinge November Bevorder die Koninkryk BOOMSLOPING Boomsloping en snoei van bome en struike. Verskaf ook kaggelhout. Kontak Ernst by STIENIE NAUDé EIENDOMME Koop en verkoop van eiendomme Skakel Stienie Naudé ( ) (Eiendomsagent) Wie? Meld aan Hoe kry ek inligting? Wanneer? Tydens die diens op Sondag Daagliks tuis Een week en een Donderdagaand per maand JY Per SMS Basuin, SMS Waarvoor? Drie gebedspunte Siekelys Drie gebedspunte Siekelys Gebedsriglyne tov Maandtema Per e-pos wesselr@dlsys.co.za e-pos Jes 62:6,7: Julle wat die Here aan sy beloftes moet herinner, julle moenie stilbly nie, totdat Hy... Hoop is die hande...(vervolg bl 2) Daarom moet n mens nooit, ooit hoop verloor nie. Selfs die onmoontlike word somtyds n werklikheid, en baie lidmate kan daarvan getuig! Dié troos kan ons vandag uit Psalm 130 put: My nood, wat dit ook al mag wees, is nie omdat God vir my kwaad is of my straf nie. By God is daar veel vergewing, veel liefde baie meer vergewing as straf. Dalk is dít die mooiste beeld van Psalm 130 dat God nie straf opgaar nie, maar vergewing. By God is daar n berg vergifnis. By God is daar die gewilligheid om ons te seën, by God is daar liefde. Ons is reeds in Lydenstyd. Uit Jesus se lyding en sterwe weet ons dat God ons liefhet, dat Hy gewillig is om ons sonde te vergewe. Volgens Paulus is dit n groot bron van hoop vir ons dat Jesus se sterwe bewys dat God aan ons kant is, dat God dit met ons goed bedoel. Hy bied sy liefde en vergifnis vir ons aan. Laat ons dit vasgryp en vashou met die hande van hoop. Wat ook al jou krisis, die feit dat God sonde vergewe, is ons bewys dat ons saam met God daardie krisis kan oorwin. Laat ons onthou dat niks vandag of more met ons kan gebeur wat ons kan skei van die liefde van God nie, dat niks oor ons pad kan kom wat ek en God nie saam kan oorwin nie. Laat ons op die Here wag en op sy woord hoop, want by Hom is daar vergewing en genade.

4 Goeie Nuus 4 Hugo van Niekerk berig oor Kingdom Global India - Bereik Bediening Uiteindelik, nadat ons bediening al meer as drie jaar in Indië werk, het my tyd ook gekom om hierdie ongelooflike land te besoek. Hierdie eerste besoek aan Indië van 14 tot 21 Februarie 2013 was saam met bedienaars van Singapoer en Rusland. Wat 'n fees om te sien hoe Indiër, Rus, Singapoeraan en Suid-Afrikaner hande vat om saam die werk van die Koninkryk te doen. Tydens hierdie uitreik het ons die basis van 'n bediening besoek wat bekend staan as GEMS. Die GEMS bediening moet tel onder een van die top sendingbedienings in die wêreld. Die GEMS kampus, wat 'n groot stuk grond met verskeie geboue behels, kan beter beskryf word as 'n multi-funksionele basis vir opleiding en kerkplanting. Die kampus is geleë by Dehri-on-Son, wat ons bereik het via Bangkok en Gaya. Hierdie basis is soos 'n stukkie hemelse paradys in 'n streek wat berug is vir sy kommunistiese terroriste en rowers. Tydens die eerste drie dae van ons besoek was die fokus op evangelisasie. Die finale aand is deur ongeveer 1000 persone bygewoon. Ná die boodskap het ons as span gebid vir seën, genesing, wonderwerke en die uitdryf van demone. Wat 'n wonderlike ervaring om uiteindelik te kan bid vir hierdie kosbare mense! Die tweede fase van die Indiëbesoek was 'n konferensie waar ons aan ongeveer 500 pastore, kerkplanters en hulle vrouens opleiding verskaf het. Ons het die seën van God ervaar in hierdie tyd en ook ervaar hoeveel kosbare vriendskapsverhoudings gebou word. Hierdie besoek was definitief 'n bevestiging van dit wat God al vir 'n hele paar jaar in my hart gesit het m.b.t. Indië. Ons beplanning vir die pad vorentoe: Die planting van 'n Indiër-kerk in Singapoer. Hierdie kerk se fokus sal kerkplanting in Indië wees. 'n Kerkplanting in Moembaai, wat later die basis vir kerkplanting in Indië gaan word. Wees stil voor God! - Nellie Vermeulen Stiltetyd is een van die mees rustige ervarings. Ons mediteer vir baie dinge, hoekom plaas ons nie ons fokus op onse Vader wat in die Hemel is nie. Maak jou gedagtes skoon van die wêreldse dinge en luister na God se roepstem. Raak stil en voel sy goddelike liefde en warmte om jou. Ons is almal so besig met ons wêreldse programme dat ons nie tyd maak vir God nie. Daar is te veel dinge om te doen en te beleef. Here, ek sukkel om partykeer stil te word voor U, met my besige lewe, help my om so stil te word dat ek net u stem kan hoor." Raak stil en maak gebruik van die geleentheid om Hom te aanbid. God sal jou alles gee waarvoor jy vra as dit sy wil is. Daar is tye dat ek op my knieë gaan, maar woorde ontbreek my. Here, help my om my gedagtes net op U te rig en te vergeet van al my probleme en behoeftes. Ek wil U loof. Bid gerus elke oggend en aand. Wees stil voor jou Verlosser. As jy dit doen, en jou gebede tot God rig en dit opreg bedoel, sal jy ook mense rondom jou met meer genade behandel, en hulle sal dit agterkom. Hoop is die onwankelbare sekerheid dat God se beloftes sal realiseer - gegrond nie op 'n ydele wens nie, maar op die werklikheid van die lewe, sterwe en opstanding van Jesus Christus. Wanneer jy stil word voor jou Vader, kan jy sonder enige skroom weet dat God luister en dat jou gebede bewaarheid sal word. Maak die kamer se deur toe, of enige plek waar jy alleen met God kan wees. Raak stil en nederig en luister na God se antwoord: Om alleen saam met Hom te kan wees, sal jou al die vrede en rustigheid gee wat jou hart nodig het. Wanneer jy jou stiltetyd net tot God rig, kan jy dadelik die verskil voel wanneer jy opstaan en uitstap. Vol vrede en geluk. "Vader, vandag raak ek stil voor U. Help my om te fokus en net U in my gedagtes te kan hê, en dat al die ander probleme en bekommernisse wat opduik, soos die wind sal verdwyn. Ek is Lief vir U". Amen!

5 Goeie Nuus Die band wat Christelike kerke saambind - Nils Anderson 5 n Paar weke gelede is die sakrament van die doop bedien aan n babadogtertjie in ons gemeente. Die pragtige baba het n wit dooprokkie aangehad asook so n wit lintjie om die voorkop. Dit was n pragtige gewyde oomblik in die kerk met die dominee en die twee ouers met die baba so by die doopvont. Hierdie plegtige geleentheid laat my toe terugdink aan n gebeurtenis so n paar jaar gelede. Ek en Monica was in die stad Dnipropetrovosk in Oekraïne, voorheen n deel van die Sowjetunie van Rusland. In die stad is n pragtige kerk, gebou in opdrag van Catharina die Grote in Ons besluit toe om te kyk hoe hierdie Oekraïnies-Ortodokse kerk binne lyk. Ons kom toe af op n priester besig om die sakrament van die doop te bedien aan n dogtertjie in n wit rokkie met n wit lint om die voorkop. Terwyl die priester, behalwe vir sy wit baard, nogal baie lyk na die dominee wat by ons die doop bedien het en die pa en ma van die baba baie soos die egpaar wat laat doop het, lyk die Oekraïniese baba met die wit lintjie om die kop, net soos die babadogtertjie wat by ons gedoop is. Hoe wonderlik, dink ons, dat hier kilometer van ons land af, dieselfde God gedien word. Daar is n paar miljard Christene in die wêreld. Almal glo in dieselfde God die Vader, Jesus Christus die Seun en die Heilige Gees. Almal glo ook in die maagdelike geboorte, die kruisiging, die opstanding en die hemelvaart. Almal gebruik die sakrament van die nagmaal en almal glo in die doop hetsy die doop van bekering of die doop van babas. Met soveel dinge in gemeen, hoe kom dit dan dat daar oor soveel kleiner dinge verskil word? Die Rooms-Katolieke kerk glo byvoorbeeld dat mens se sondes deur n priester vergewe kan word as jy maar net bieg en die nodige Ave Marias opsê. Daar kan ook gebid word dat iemand wat reeds dood is se tyd in die vagevuur verkort mag word - en tog is hulle Christene? Dit moet vir God bitter wees om te sien hoe sy volgelinge op aarde verskil. Selfs soms oor klein dingetjies soos wat in die kerk gesing mag word, asook oor die grootte van die nagmaalbeker. Hoe wonderlik sou dit nie gewees het as al God se kinders in liefde met mekaar kon klaarkom sonder al die twiste en tweedrag nie! Dink net as daar een groot magtige Christelike kerk op aarde kon wees waar ons almal saam kan aanbid! Kom ons bid vir eenheid onder Christene! My vingerafdrukke! - (E-pos ontvang) Here, oral waar ek gaan laat ek vingerafdrukke na. Op die hande wat ek aanraak, op borde, mure en boeke. Daar is nie wegkomkans nie, waar ek vat, plaas ek 'n teken van my identiteit. Help my Here, om vandag waar ek ookal gaan hartafdrukke na te laat. Hartafdrukke van regverdigheid en deernis, van begrip en liefde, van barmhartigheid en belangstelling. Hartafdrukke van hartlike vriendelikheid en van opregte betrokkenheid. Mag my hart 'n ander hart aanraak en 'n afdruk van u liefde laat. En as iemand sou sê: "Jou aanraking het my vandag versterk," laat hulle agterbly met die wete dat dit u liefde was, wat hul in my ervaar het. Lief en Leed Vlak van Wyk is die afgelope maand oorlede. Ons gebede en meegevoel gaan uit na sy naasbestaandes.

6 Goeie Nuus 6 Egte geloof is medisyne - Stephan Joubert In Victor Hugo se bekende Les Misérables, wat nou n groot silwerdoek treffer is, steel Valjean kort na sy vrylating uit die tronk biskop Muriel se silwerware. Dit is nadat Muriel aan hom slaapplek gegee het. As Valjean gevang word, vat die polisie hom met sy buit en al na die kerklike toe. Maar dan doen biskop Muriel n vreemde ding. Pleks daarvan om Valjean te laat arresteer, vertel hy vir die polisie dat die silwer n geskenk aan Valjean was. Toe gee hy sommer ook n paar kosbare silwer kersblakers aan hom. So vreemd was hierdie optrede vir Valjean dat dit hom uit sy bestaande leefwyse geskok het. Ek wonder hoeveel van ons se geloof in Christus het so n genesende effek op ander soos dié van hierdie ou biskop. Vir baie is dit makliker om Sondae vir die Here op te staan as om daagliks vir Hom te leef. As ons egter diep in ons harte weet dat ons nuwe mense in die Here is, soos wat Paulus in 2 Korintiërs 5 skryf, dan weet ons dat ons geroep is om n lewe van impak te leef. Impak is altyd uitwaarts gerig. Impak gaan daaroor dat ons lig skyn tussen ander. Impak gaan oor die aanhoudende uitdeel van bekertjies koue water, en die daaglikse tweede-myl roetes in Jesus se Naam. Dit gaan oor die aanhoudende weggee van ons besittings, tyd, gawes en talente. Dit help veel jy en ek dink ons leef vir die Here, maar niemand anders weet hiervan nie. Ons kan nie self besluit of ons getuies vir die Here is nie. Ander mense met wie ons daagliks saamleef, sal weet of ons volgelinge van Christus is. Hulle sal weet of ander iets van die Here se genade beleef as hulle saam met ons loop. Uit: Ekerk se Goeie Nuus Nuusbrief wat weekliks verskyn. Kyk gerus na Ekerk se webwerf U kan daar inteken op verskeie nuusbriewe en verskillende media soos artikels, preke en video s gratis aflaai. Gholdag help leerders - Jorrie Jordaan Helpende Hand se Silvertontak bied wéér n gholfdag aan hierdie keer op 9 Mei by Bronkhorstspruit se gholfklub. En weer word die totale inkomste vir ons tak se studiebeursfonds geoormerk. Danksy verlede jaar se mooi inkomste uit die gholfdag, is hierdie fonds reeds kliphard aan die werk. Ons help n B.Comstudent, Magriet Wessels, in haar eerste jaar aan die Universiteit van Pretoria. Ook het ons Borg- n-kindprojek reeds afgeskop. Die eerste begunstigde is n oulike knaap in graad 6 aan die Laerskool Meyerspark, Jonathan Croukamp, n uitblinker in sowel akademie as in sport. Met dié twee leerders wil ons n lang pad stap. Albei se ma s is enkel-versorgers, en hoewel albei werk, gaan dit maar barstens. Vir meer inligting kan u Jorrie Jordaan skakel by of Algemene Meubelvervoer en langafstande. Bokse en verpakkingsmateriaal te koop. Skakel Kassie / Kabouterwoud speelgroepie: Ouderdomme vanaf 1 tot 5 jaar: Voldag: 07:00 tot 17:30 Halfdag: 07:00 tot 13:00 Adres: Keuningstr 206 Meyerspark Kontak: tel: Ansofie Sel: Dietloff Sel: Maretha E-pos: kabouterwoud@telkomsa.net n opvoedkundige speelgroep gebaseer op Christelike beginsels waarby u kleuter sosiaal en intellektueel voorberei word vir die

7 Goeie Nuus 7 Kategese Cobus le Roux Met die einde van die eerste kwartaal reeds in sig, sou dit seker nie gepas wees om aan almal te sê voorspoed vir die jaar en welkom terug nie, maar ek kan werklik nie glo dat hierdie jaar alreeds so ver gevorder het nie. Aan die einde van 2012 het ons afskeid geneem van die graad 6 manne daar was geen dames nie asook van sommige kategete, maar ons het die nuwe jaar begin met genoeg energie, hulp en krag om van die jaar n sukses te maak. Daar is besluit op n nuwe leerplan vir die kategese, met die les wat aansluit by die boodskap van die Gesinsdiens. Dit was egter nie sonder haakplekke nie, aangesien die boeke nie heeltemal betyds opgedaag het nie. Afrolstukke moes egter die ding doen en ek moet baie dankie sê aan veral die kategete, van wie sommige nuut in die pos is, vir die uithouvermoë totdat die boeke opgedaag en in gebruik geneem kon word. Aangesien elke kind dus nou in besit behoort te wees van n boek, sal dit goed wees om terugvoering te kry by die ouers oor wat hulle indrukke van die kategeseboek en sy inhoud is. Veral die ouers wat vroeër jare reeds kinders in die kategese gehad het en nou n kind in die kategese het, behoort n vergelyking te kan maak tussen die twee leerplanne. Terugvoer en aanbevelings is welkom. Dit bly nog steeds vir my n voorreg om te kan deel wees, al is dit minimaal, by die geestelike opvoeding van ons kinders. Om die opgewondenheid te aanskou, wanneer hulle Sondagoggend om beweeg van die Gesinsdiens na die kategeselokale, is iets wat my altyd sal bybly. Indien ons die jaar kan volhou met dieselfde hoeveelheid entoesiasme as waarmee ons dit begin het, kan hierdie definitief nie anders as om n uitsonderlike jaar te wees nie. Soos voorheen al versoek, met die vooruitsig dat elke kind sal groei in sy geloof hierdie jaar en die wete dat elke kategeet n invloed het op die vorming van ons kinders, het ons die voorbidding van elke lid van die gemeente nodig. Die hare waai teen kanker! - Carina Swart NG Kerk Meyerspark se jeug het Saterdag 2 Maart 2013 weer opgestaan teen die groot kankermonster. Ons het by Silverwater Crossing winkelsentrum vir CANSA-Shavathon hare afgeskeer en gekleur. Die koppe het soos reenboë gelyk vol kleur en kreatiewe style. Die jeug het ons trots gemaak, deur in massas op te daag! Daar was baie gewillige hande en harte gemeng met groot opgewondenheid! Ons was aangenaam verras met so baie hulp en kan nie genoeg dankie sê vir elke helpende hand wat die dag gereed gestaan het nie! Ons is selfs gekomplimenteer oor ons entoesiasme en gewilligheid om as groep teen kanker te veg. Kliënte en ondersteuners het met dankbare harte en sonder huiwering gaan sit en ons toegelaat om hulle hare in te kleur of af te skeer. Daar was tot 'n dapper vrou wat haar 50 cm poniestert geskenk het vir 'n pruik. Mense het hul harte uitgestort oor hoe kanker hulle eie en hulle geliefdes se lewens verander het. Ons wil graag elke ondersteuner en helper bedank vir hul deelname en die gewilligheid om jou tyd vir 'n groot saak te gee. Ons jeug sien sommer baie uit daarna om in die toekoms weer in massas teen kanker op te staan!in 2014 maak ons beslis weer so!

8 Agterblad: Nuuskierig 8 1. Lees eers hierdie Terwyl ons dan so groot skare geloofsgetuies rondom ons het, laat ons elke las van ons afgooi, ook die sonde wat ons so maklik verstrik, en laat ons die wedloop wat vir ons voorlê, met volharding hardloop, die oog gevestig op Jesus, die Begin en Voleinder van die geloof. Ter wille van die vreugde wat vir Hom in die vooruitsig was, het Hy die kruis verduur sonder om vir die skande daarvan terug te deins, en Hy sit nou aan die regterkant van die troon van God. Hou Hom voor oë wat so n vyandige optrede van die sondaars teen Hom verdra het. Dan sal julle nie geestelik moeg word en uitsak nie. Hebreërs 12:1-3 Jy het n spesifieke doel, in die skool, op universiteit, by jou werk en waar jy woon. Die Here het n spesifieke plan vir jou volgens al die talente wat Hy vir jou gegee het. Die belangrikste is om die Here lief te hê met jou hele hart en daardeur n voorbeeld te stel vir jou medemens. Leef voluit vir Jesus. Moenie n geheime Christen wees nie. Wees bereid om te sê jy doen soos jy doen ter wille van Christus. Wees bereid om anders te wees. Wees bereid om alleen te staan vir wat reg is. Bly staan by wat die Bybel sê die regte ding is. Wees altyd eerlik. Laat jou ja, ja wees en jou nee, nee. Wees betroubaar in alle opsigte. Wees altyd bly en vrolik. Wees opgewonde oor die Here en bid vir die mense by jou werk, jou skool en ander mense met wie jy daagliks in kontak kom. (Glans : Hennie Stander, Stephan Joubert en Jan van der Watt.) 2. Lag n slag... Wie was kwaad toe die verlore seun teruggekeer het? Die vetgemaakte kalf. 3. Vrolike teken prent 4. Allemintige aanhaling That is God s call to us simply to be people who are content to live close to Him and to renew the kind of life in which the closeness is felt and experienced -Thomas Merton-