СОБРАНИЕ НА РЕПУБЛИКА МАКЕДОНИЈА

Transcription

1 СОБРАНИЕ НА РЕПУБЛИКА МАКЕДОНИЈА Врз основа на членот 75 ставови 1 и 2 од Уставот на Република Македонија, претседателот на Република Македонија и претседателот на Собранието на Република Македонија издаваат У К А З ЗА ПРОГЛАСУВАЊЕ НА ЗАКОНОТ ЗА ИЗМЕНУВАЊЕ И ДОПОЛНУВАЊЕ НА ЗАКОНОТ ЗА ПРЕВОЗ ВО ПАТНИОТ СООБРАЌАЈ Се прогласува Законот за изменување и дополнување на Законот за превоз во патниот сообраќај, што Собранието на Република Македонија го донесе на седницата одржана на 25 февруари 2014 година. Бр /1 25 февруари 2014 година Скопје Претседател на Република Македонија, Ѓорге Иванов, с.р. Претседател на Собранието на Република Македонија, Трајко Вељаноски, с.р. ЗАКОН ЗА ИЗМЕНУВАЊЕ И ДОПОЛНУВАЊЕ НА ЗАКОНОТ ЗА ПРЕВОЗ ВО ПАТНИОТ СООБРАЌАЈ Член 1 Во Законот за превоз во патниот сообраќај ( Службен весник на Република Македонија број 68/2004, 127/2006, 114/2009, 83/10, 140/10, 17/11, 53/11, 6/12, 23/13, 120/13, 163/13 и 187/13), во членот 3 точка 21 зборот пет се заменува со зборот седум. Член 2 Во членот 6 по ставот 1 се додава нов став 2, кој гласи: При вршење на авто-такси превоз возачот во возилото е должен во возилото да има сертификат за авто-такси возач. Ставовите 2, 3, 4 и 5 стануваат ставови 3, 4, 5 и 6. Член 3 Во членот 8 став 1 точка 4 по зборовите: авто-такси возачи се додаваат зборовите: кои поседуваат сертификат за авто-такси возач. Член 4 Во членот 8-ѓ во ставот 1 по бројот 8-а се става запирка, а бројот и 8-б се заменува со броевите 8-б и 8-з. Во ставот 4 по бројот 8-а се става запирка, а бројот и 8-б се заменува со броевите 8-б и 8-з. 1 од 7

2 Член 5 По членот 8-ж се додава нов член 8-з, кој гласи: Член 8-з Сертификатот од членот 8 став 1 точка 4 од овој закон го издаваат општините или градот Скопје врз основа на уверение за положен испит за авто-такси возач. Стручното оспособување на кандидатите за добивање на сертификат за авто-такси возач го врши правно лице овластено од општината или градот Скопје, кое располага со: - минимум 30 м2 простор опремен за одржување на обуката, - информатичка технологија и друга опрема за водење на евиденција и - минимум три лица вработени во редовен работен однос со високо образование (економски, сообраќаен или правен факултет), со најмалку три години работно искуство од областа на транспортот. Испитот за добивање на сертификат од ставот 1 на овој член се полага според Програма за полагање на испитот за добивање на сертификат за авто-такси возач изготвена од правното лице од ставот 2 на овој член пред Комисија за полагање на испит за авто-такси возач (во натамошниот текст: Комисијата) формирана од градоначалникот на општината, односно градоначалникот на градот Скопје. Комисијата од ставот 3 на овој член се состои од пет члена од кои три члена се од општината или градот Скопје и два члена од разни облици на здружување на превозници. Членовите на Комисијата за својата работа добиваат надоместок. На кандидатите кои го положиле испитот им се издава уверение за положен испит за авто-такси возач. За полагање на испитот за авто-такси возач се плаќа надоместок. Висината на надоместокот треба да биде во рамките на направените трошоци за обука, литература, потрошен материјал, трошоци за испитната комисија и друго. Трошковникот го утврдува правното лице од ставот 2 на овој член по претходна согласност на градоначалникот на општината, односно градоначалникот на градот Скопје. Општините, односно градот Скопје води евиденција за лицата кои го положиле испитот за добивање на сертификат за авто-такси возач. Постапката и програмата за полагање на испитот за добивање на сертификат за автотакси возач, формата и содржината на уверението за положен испит и на сертификатот за авто-такси возач ги пропишува министерот за транспорт и врски. Член 6 По членот 9 се додаваaт четири нови члена 9-а, 9-б, 9-в и 9-г, кои гласат: Член 9-а Носителите на семејно земјоделско стопанство евидентирани во Министерството за земјоделство, шумарство и водостопанство кои имаат во сопственост или под лизинг најмногу две возила за сопствени потреби не треба да поседуваат лиценца согласно со овој закон, односно превозот го вршат врз основа на потврда издадена од Министерството за транспорт и врски. Член 9-б Потврдата од членот 9-а од овој закон може да добие носител на семејно земјоделско стопанство ако ги исполнува следниве услови: 1) да поседува потврда или друг акт дека е евидентиран во Министерството за земјоделство, шумарство и водостопанство како носител на семејно земјоделско стопанство и 2 од 7

3 2) да е сопственик или да има склучено договор за лизинг на најмногу две регистрирани возила за превоз што ги исполнува посебните техничко-експлоатациони услови пропишани за возила за вршење на одделни видови на превоз во внатрешниот патен сообраќај. Потврдата од членот 9-а од овој закон се издава со важност од пет години. Потврдата од членот 9-а од овој закон може да се продолжи за период од пет години, со поднесување на барање за продолжување на потврдата пред истекот на рокот на важност на важечката потврда. Формата и содржината на потврдата од членот 9-а од овој закон ја пропишува министерот за транспорт и врски. Член 9-в Носителот на семејно земјоделско стопанство кој ги исполнува условите од членот 9-б од овој закон поднесува барање за добивање на потврдата од членот 9-а од овој закон до Министерството за транспорт и врски, со доставување на писмени докази за исполнување на условите пропишани со овој закон. Министерството за транспорт и врски ја издава потврдата најдоцна во рок од 30 дена од денот на приемот на комплетното барање за издавање на потврдата. Формата и содржината на барањето и потребната документација од ставот 1 на овој член ги пропишува министерот за транспорт и врски. Министерството за транспорт и врски ќе донесе решение за одземање на потврдата, ако: - носителот на семејно земјоделско стопанство доставил неточни податоци кои се потребни за издавање на потврдата, - носителот на семејно земјоделско стопанство поднесе барање за откажување од потврдата и - носителот на семејно земјоделско стопанство престане да исполнува некој од условите пропишани за нејзино издавање. Против решението донесено од Министерството за транспорт и врски може да се изјави жалба во рок од осум дена од денот на приемот на решението до Државната комисија за одлучување во управна постапка во втор степен и во постапка за работни односи. Носителот на семејното земјоделско стопанство е должен по правосилноста на решението со кое му е одземена потврдата веднаш, а најдоцна во рок од осум дена да ја врати потврдата на Министерството за транспорт и врски. Член 9-г За издадените потврди од членот 9-а од овој закон Министерството за транспорт и врски води евиденција. Член 7 Во членот 33 став 1 по зборот преку се додава зборот унифициран. Во ставот 5 по зборовите: се должни се додаваат зборовите: на потполно глуви лица со потврда за членство и возен картон издаден од Националниот сојуз за глуви лица, на лица со тешка и длабока ментална попреченост и негов придружник со потврда за членство и возен картон издаден од Републичкиот центар за поддршка на лица со интелектулана попреченост. Член 8 Во членот 37 ставот 4 се брише. Ставовите 5, 6, 7 и 8 стануваат ставови 4, 5, 6 и 7. 3 од 7

4 Член 9 Членот 9 се менува и гласи: Во членот 52, ставо т 3, точката на крајот се брише и се додаваат зборовите: и кои се со живеалиште или престојувалиште од општината од каде што поседува лиценца такси возило. Возачот на такси возилото задолжително води дневник со список на патници кои се превезуваат од друга општина. По ставот 3 се додава нов став 4, кој гласи: Формата и содржината на дневникот од ставот 3 на овој член ги пропишува министерот за транспорт и врски. Член 10 Во членот 55 став 1 по зборовите: мора да има се додаваат зборовоте: сертификат за авто-такси возач. Во ставот 5 по зборовите: авто-такси превоз се додаваат зборовите: кога такси возилото е празно, без да има патници и без да има најавен повик дека треба да земе патник. Член 11 Во членот 70 по ставот 2 се додава нов став 3, кој гласи: Странски превозник може меѓународниот превоз на стоки да го врши и врз основа на ЕКМТ дозвола. Ставовите 3, 4, 5 и 6 стануваат ставови 4, 5, 6 и 7. По ставот 7 кој станува став 8 се додава нов став 9, кој гласи: При вршење превоз на територија на Република Македонија, странски превозник во возилото мора да има во оригинал документи за возило и за возач во согласност со прописи на државата на регистрација на превозникот за вршење на дејност и стручна оспособеност на возачот, ако такви прописи се на сила. Член 12 Во членот 73 став 1 бројот 66 се заменува со бројот 71. По ставот 1 се додава нов став 2, кој гласи: По исклучок од членовите 72 и 73 став 1 од овој закон, ослободување за користење на транспортна дозвола за странски превозници се врши врз основа на дефинирани видови на превози за ослободување од транспортна дозвола согласно со ратификувана меѓународна спогодба склучена со земјата на регистрација на превозникот. Член 13 Во членот 77 ставови 1, 2 и 3 по зборот вршат се додаваaт зборовите: домашни и странски. Во ставот 5 зборовите: Правните и физичките се заменуваат со зборовите: Домашни правни и физички. Член 14 Во членот 79 по ставот 2 се додава нов став 3, кој гласи: За странски превозник одредбите од ставот 1 точки 1, 2 и 3 на овој член се применуваат доколку има пропишани законски обврски од земјата на регистрација на возилото. Член 15 Во членот 82 став 1 зборовите: став 6 се заменуваат со зборовите: ставови 1 и 3. 4 од 7

5 Во ставот 2 зборовите: 66 ставови 2 и 3 и членот 70 став 6 се заменуваат со зборовите: 70 ставови 1 и 3. Член 16 Во членот 86 став 4 бројот 4 се заменува со бројот 3. Член 17 Во членот 87-б по ставот 1 се додаваат два нови става 2 и 3, кои гласат: Со Државниот инспекторат за транспорт раководи директор кој го именува и разрешува Владата на Република Македонија. За именување на директор се објавува јавен оглас во три дневни весници кои се издаваат на целата територија на Република Македонија од кои еден од весниците се издава на јазикот што го зборуваат најмалку 20% од граѓаните кои зборуваат службен јазик различен од македонскиот јазик. За директор на Државниот инспекторат за транспорт може да биде именувано лице кое ги исполнува следниве услови: - е државјанин на Република Македонија, - во моментот на именувањето со правосилна судска пресуда не му е изречена казна или прекршочна санкција забрана за вршење на професија, дејност или должност, - има стекнати најмалку 300 кредити според ЕКТС или завршен VII/1 степен од областа на сообраќајот или правните науки, - има најмалку пет години работно искуство од областа на сообраќајот или правните науки, - поседува еден од следниве меѓународно признати сертификати или уверенија за активно познавање на англискиот јазик не постар од пет години: - ТОЕФЕЛ ИБТ најмалку 74 бода, - ИЕЛТС (IELTS) - најмалку 6 бода, - ИЛЕЦ (ILEC) (Cambridge English: Legal) - најмалку Б2 (B2) ниво, - ФЦЕ (FCE) (Cambridge English: First) - положен, - БУЛАТС (BULATS) - најмалку 60 бода или - АПТИС (АPTIS) - најмалку ниво Б2 (B2) и - има положено психолошки тест и тест за интегритет. Член 18 Во членот 90 став 1 алинеја 7 точката на крајот од реченицата се брише и се додаваат зборовите: и одземање на извод од лиценца за авто-такси превоз на правно лице кое ангажира возач на авто-такси возило кој нема сертификат за авто-такси возач. Член 19 Во членот 96 став 1 по точката 5 се додава нова точка 5-а, која гласи: 5) а врши резервација и продажба на билети спротивно на членот 56 став 2 од oвoј закон;. Член 20 Во членот 99-а став 1 по точката 3 се додава нова точка 3-а, која гласи: 3) а врши авто-такси превоз во спротивен правец спротивна на членот 52 став 3 од овој закон;. По точката 7 се додава нова точка 7-а, која гласи: 7) а не поседува сертификат за авто-такси возач или сертификатот за авто-такси возач кој го поседува е со поминат рок на важност. 5 од 7

6 По ставот 4 се додава нов став 5, кој гласи: Освен глобата од ставот 1 на овој член за прекршокот од ставот 1 точка 3-а на овој член, возилото што било користено за авто-такси превоз со кое е сторен прекршокот од ставот 1 точка 3-а на овој член времено се одзема со асистенција на униформираниот полициски службеник во моментот на сторување на прекршокот за период од шест месеци до една година, а по издавање на решение за времено одземање на возилото од страна на инспекторот за патен сообраќај. Во случај на повторување на прекршокот од страна на истиот сторител или со истото возило, возилото што било користено за авто-такси превоз трајно се одзема во сопственост на Република Македонија со асистенција на униформираниот полициски службеник во моментот на сторување на прекршокот, а по издавање на решение за трајно одземање на возилото од страна на инспекторот за патен сообраќај. Ставовите 5, 6, 7 и 8 стануваат ставови 6, 7, 8 и 9. Член 21 Правните лица кои поседуваат лиценци за вршење на авто-такси дејност и возачите вработени во тие лица кои се стекнале со лиценца за вршење на авто-такси дејност пред влегувањето во сила на овој закон треба да го усогласат своето работење со одредбите од овој закон во рок од шест месеци од денот на влегувањето во сила на подзаконските акти утврдени со овој закон. Член 22 Комисијата од членот 8-з став 3 утврдена во членот 5 од овој закон ќе се формира во рок од три дена од денот на влегувањето во сила на подзаконските акти утврдени со овој закон. Член 23 Индивидуалните земјоделци регистрирани во Министерството за земјоделство, шумарство и водостопанство се должни во рок од 30 дена од денот на влегувањето во сила на овој закон да поднесат барање согласно со членот 9-в став 1 од овој закон за добивање на потврда за вршење на превоз. Член 24 Подзаконските акти предвидени со овој закон ќе се донесат во рок од еден месец од денот на влегувањето во сила на овој закон. Член 25 Директорот на Државниот инспекторат за транспорт именуван до денот на започнувањето со примената на членот 17 од овој закон продолжува да ја врши функцијата до истекот на мандатот за кој е именуван. Член 26 Одредбите на членот 17 од овој закон ќе започнат да се применуваат во рок од една година од денот на влегувањето во сила на овој закон, освен одредбите кои се однесуваат на условот за познавање на странски јазик кои ќе започнат да се применуваат по две години од денот на влегувањето во сила на овој закон. Член 27 Се овластува Законодавно-правната комисија на Собранието на Република Македонија да утврди пречистен текст на Законот за превоз во патниот сообраќај. 6 од 7

7 Член 28 Овој закон влегува во сила осмиот ден од денот на објавувањето во Службен весник на Република Македонија. 7 од 7