Проект за професионален и кариерен развој на наставниците
|
|
- Rosaline Evans
- 6 years ago
- Views:
Transcription
1 Проект за професионален и кариерен развој на наставниците ОПИС НА РАБОТНИ ЗАДАЧИ за спроведување на физибилити студија за онлајн професионален развој на воспитно-образовниот кадар во основните и средните училишта Септември 2015
2 I. ВОВЕД 1.1 За проектот Проектот за професионален и кариерен развој на наставниците (ПКРН) има за цел да го надгради и подобри системот за професионален и кариерен развој на наставниците за да придонесе за поквалитетна воспитно-образовна работа и повисоки постигања на учениците во Македонија. Проектот беше инициран од Бирото за развој на образованието (БРО), го спроведува Македонскиот центар за граѓанско образование (МЦГО) со финансиска поддршка од Агенцијата за меѓународен развој на САД (УСАИД). Проектот започна во декември 2012 година и ќе се реализира до јуни 2016 година. Во реализацијата на проектните активности се вклучени: Министерството за образование и наука, Бирото за развој на образованието, Центарот за стручно образование и обука, Државниот испитен центар, Државниот просветен инспекторат, општините, факултетите за наставници, професионалните здруженија на наставници и Синдикатот за образование, наука и култура. Во рамките на проектот изработени се следните документи релевантни за стручното усовршување на воспитно-образовниот кадар во училиштата: - изработени професионални компетенции за директори, наставници и стручни соработници (педагог, психолог, социолог, социјален работник, дефектолог и библиотекар) и професионални стандарди за напредување во звања ментор и советник за наставници и стручни соработници 1 ; - изработено Упатство за следење на работата и планирање на професионалниот развој на наставниците и стручните соработници во основните и средните училишта; - воспоставени процедури и инструменти за напредување во звања на наставниците и стручните соработници; - подготвени нацрт сценарија и проекции за финансиските импликации од спроведување на системот за професионален и кариерен развој; - развиен модел за напредување во звања на наставниците и стручните соработници. Резултати што треба да се постигнат до крајот на проектот: - подобрување на процедурите за акредитација на понудувачи на обуки; - поддршка на БРО за воспоставување на дигитално пристапни обуки за професионален развој на воспитно-образовниот кадар; - информирање на воспитно-образовниот кадар за новините во системот за професионален и кариерен развој. 1 Дел од развиените документи може да се најдат на интернет страницата на МЦГО: 1
3 1.2. Професионалниот развој на воспитно-образовниот кадар од основните и средните училишта и потребата од е-платформа за обуки Република Македонија настојува да ги следи светските трендови и практики во поглед на развивање на професионалните компетенции на наставниците за да може подобро да одговорат на новите можности, предизвици и потреби во рамките на образовниот систем и во општеството во целина. Во тој контекст, според законот, се очекува од наставниците и стручните соработници континуирано професионално да се развиваат, а од училиштата и државните институции на систематски начин да ја следат нивната работата и да им обезбедат услови за континуирано стручно усовршување. Оттука, во Законот за наставници во основните и средните училишта 2 подетално се регулира обврската за професионален развој на наставниците. Согласно овој закон, наставниците се должни континуирано стручно да се усовршуваат и да посветат најмалку 60 часа во текот на секои три години. Во рамките на 60 часови на стручно усовршување спаѓаат обуките што наставниците ги посетуваат во и вон училиштето, од кои најмалку 40 часови се од учество на акредитирани програми за обука за што средства се обезбедуваат во буџетот на Бирото за развој на образование (член 21, став 2). Секторот за професионален развој во рамките на Бирото за развој на образованието е одговорен за организирање и спроведување активности за професионалниот развој на воспитнообразовниот кадар во училиштата. Во овој сектор, БРО спроведуваа годишни анализи за утврдување на потребите за професионален развој на воспитно-образовниот кадар, изработува план на активности за обука, спроведува постапки за акредитација на обуки и го следи квалитетот на обуките. 3 Препознавајќи ја потребата да обезбеди професионален развој за целокупниот воспитно-образовен кадар и да ја исполни законската обврска со ограничените средства што секоја година му се доделуваат, БРО планира да обезбеди онлајн обуки за професионален развој за воспитно-образовниот кадар во училиштата. Проектот на УСАИД за ПКРН ќе го подржи БРО во истражување на можните модели за операционализирање на онлајн обуките за професионален развој на воспитно-образовниот кадар во училиштата. БРО заедно со проектот и УСАИД, досега ги имаат идентификувано следните предности и предизвици за воспоставување на онлајн модел за професионален развој: Предности - пристап до обуки со еднаков квалитет: квалитетот на постојните обуките што наставниците ги добиваат на работното место во моментот е многу нееднаков. Наставниците учествуваат на обуки за обучувачи, а потоа се задолжени да ги споделат содржините од обуките со останатите колеги, иако сите поседуваат различно ниво на вештини и искуство за одржување на обуки. Оттука, онлајн обуките за наставници и стручни соработници би обезбедиле ист квалитет; - можност да се комбинираат непосредните обуки со онлајн обуката; - можност за навраќање на делови од обуките за подобро совладување на содржините; - дава можности за онлајн проверка на наученото; 2 Службен весник на РМ бр. 10/15 3 Член 8 од Закон за Бирото за развој на образованието, консолидиран текст, Службен весник на Република Македонија, бр. 37/2006; 142/2008; 148/2009; 69/2013; 120/2013; 148/2013 и 41/
4 - обуката може да се следи во различни услови (домашни, училишни и др.) со што се намалуваат трошоците поврзани со обезбедување на простор, патни трошоци итн.; - поголема флексибилност во користење на времето на учесниците во обуките (се вклучуваат кога се мотивирани за учење). - бројот на наставници кои што се отворени кон користење на иновативни начини на учење преку ИКТ се очекува да биде во постојан раст. Предизвици - ограничена можност за директни контакти и следење на реакциите на учесниците од страна на обучувачот во случај на користење на претходно снимени обуки; - ограничена непосредна интеракција и поставување на прашања до обучувачот за време на следење на обуките што се претходно снимени; - неможност на понудувачите на обуки да го верификуваат точното активно учество на учесниците на онлајн обуката; - отежната контрола на самостојноста во извршување на активностите (доколку се бараат индивидуални продукти); - невоедначени вештини на учесниците за користење на ИКТ во учењето; - ограничени искуства на провајдерите на обука за креирање на онлајн обуки; - разлики во квалитетот и капацитетите на интернет врските. II. ЦЕЛ НА СТУДИЈАТА Физибилити студијата треба да ги истражи факторите и да утврди кои се условите што треба да се создадат во системот за образование на Република Македонија, можностите што постојат и придобивките што би ги имале од воспоставување на функционална е-платформа за обуки за континуиран професионален развој на воспитно-образовниот кадар во училиштата. Подетално, студијата треба: да утврди дали платформата за онлајн обуки на наставници е економски оправдана; да ги анализира и спореди двете главни алтернативи и тоа: (1) креирање на нова платформа за професионален развој на воспитно-образовниот кадар во училиштата; (2) адаптирање/изнајмување на простор на постојна платформа. за двете горе споменати алтернативи, да ги утврди фискалните импликации, односно да направи проекција на трошоци со цел да се утврди нивната исплатливост; да ги определи потребните технички и човечки ресурси и финансиски импликации за БРО како примарна институција одговорна за професионален развој на воспитно-образовниот кадар за двете алтернативи (на пр. потребата од кадар со ИКТ вештини во однос на кадар кој има знаење во адаптирање на содржините (instructional designers); да ги спореди трошоците за развивање на содржините/обуките локално наспроти адаптирање на веќе постоечки обуки вклучувајќи и превод на наставните јазици (македонски, албански, турски и српски јазик); 3
5 да го утврди начинот на одредување на содржината и изборот на темите, како и сите видови на содржини што може да се обезбедат (онлајн обуки, видео конференции, вебинари, сесии водени од страна на мастер-обучувачи, итн.); да одредат индикативни временски рамки за моделот да биде употреблив, и да ги истражи можните предизвици (на пр.: да привлече корисници) или ризици и да предложи алтернативи за нивно надминување. III. СОДРЖИНА НА СТУДИЈАТА 1. Испитување на потребите/интересите/ навиките на воспитно-образовниот кадар во училиштата Со цел да се утврди оправданоста за развој на модел за онлајн професионален развој на воспитно-образовниот кадар (класни раководители, предметни наставници, наставници во основни и средни училишта, стручни соработници како педагози, психолози, итн. од големи урбани и мали рурални училишта, итн.), неопходно е да се направи истражување на примерок на потенцијални корисници и да се организираат фокус групи за да се истражи подетално следното: - нивото на разбирање за придобивките од онлајн обуките и нивното искуство од учество на онлајн обуки; - заинтересираност на воспитно-образовниот кадар за онлјан обуки и вид обуки што ги претпочитаат (онлајн или непосредни обуки); - подготвеност за самофинансирање за учество во онлајн обуки; - вештини и навики за користење компјутер/интернет (можности за користење интернет дома и во училиште); - теми на обуки на пр. содржини за кои воспитно-образовниот кадар е најмногу заинтересиран и се во согласност со компетенциите за наставници 4 и стручни соработници ( на пр. обука за работа со ученици со посебни образовни потреби, обуки за оценување на учениците, итн.). Врз основа на оваа студија, да се направи проценка на искористеноста на онлајн платформата и да се даде проценка на цена на чинење на разни видови онлајн обуки. 2. Дефинирање на видот и на моделот(ите) на онлајн обуките за професионален развој Со цел да се дефинира која платформа е посоодветна и да се споредат предностите и недостатоците, во студијата потребно е: - да се направи проучување на содржините на добри/познати платформи за обуки на наставници (како на пример со цел да се идентификуваат основните карактеристики на платформата, како што се начинот на пребарување, можностите за интеракција, видовите на обуки итн. - да се наведат предностите и недостатоците од користење на софтвер со отворен код (open source software) или софтвер со заштитени сопственички права (proprietary software) и да се предложи најсоодветниот; 4 Правилник за основните професионални компетенции nicite.pdf 4
6 - да се испитаат различни можности за хостирање на платформата (локална наспроти странска, воедно треба да се испитаат предностите/недостатоците и цените на овие алтернативи); - - да се испитаат можностите за користење (преведување) на постојни бесплатни онлајн обуки поставени на странски платформи (како на пример Coursera, CourseTalk, EDx, CreativeU и други отворени образовни ресурси /МООСs. Врз основа на резултатите од истражување на горе наведените точки, да се даде предлог на најсоодветно техничко решение за воспоставување на онлајн обуки. 3. Определување на потребните услови за функционирање на онлајн платформата Согласно одлуката на Владата за назначување на стручни и технички одговорности за онлајн професионален развој на воспитно-образовниот кадар на Бирото за развој на образование, ова студија треба: - да ги испита моменталните капацитети (технички и просторни,) на БРО да развие и да администрира онлајн обуки за професионален развој; - да ги испита човечките ресурси на БРО и да даде сугестии за нови вработувања во одделението за онлајн обуки. Со цел да се обезбеди функционирање и одржување на моделот, треба да се определат одговорностите на вработените, на пример, дали тие ќе треба да го поддржат развојот на единечни обуки или само ќе бидат одговорни за администрирање на платформата. Воедно треба да се определи видот на образование/квалификации, искуство, и дали вработените имаат потреба од дополнителни обуки (на пример за дизајнер на наставни содржини -instructional designer); - да ги истражи капацитетите и интересот на потенцијалните понудувачи на онлајн обуки (вклучувајќи и видови на обуки кои тие можат да ги понудат, како што се видео снимки или поинтерактивни формати на вебинари во живо, видео конференции, примери на практична примена на наученото итн.). Да предложат активности што треба да се превземат, со цел да се обезбедат квалитетни онлајн содржини (како да се зголеми капацитетот на понудувачите на обуки); - да се процени можноста за адаптирање на постојните материјали од акредитираните обуки (да се одреди кој ќе биде задолжен за администрирање на обуката и како да ќе се организира издавањето на Сертификати за завршени обуки) Врз основа на ова истражување да се дадат препораки за да се обезбедат потребните просторни, технички и човечки ресурси како и други активности кои е потребно да се превземаат со цел да се обезбеди функционалноста на платформата. 4. Финансиска анализа Анализа на придобивките и финансиските средства потребни за функционирање на е- платформата треба да опфати: - цената на чинење за адаптирање на постоечка платформа во споредба со развивање на нова платформа (да се даде приближната цена за потребниот хардвер и софтвер); - цена на чинење за хостирање на е-платформата локално во споредба со надворешно, вклучувајќи и хостирање во странство; 5
7 - цена на чинење на различни онлјан обуки развиени од домашни провајдери вклучувајќи и трошоци за адаптирање на постојни бесплатни онлајн обуки на веќе познати платформи (вклучувајќи и превод); - споредба на трошоците за разни видови на онлајн обуки во споредба со непосредни обуки/директни обуки; - потенцијалите за генерирање дополнителни средства од учесниците преку кофинансирање; - финансиска конструкција за трошоците поврзани со функционирање на Одделението за професионален развој на БРО (вклучувајќи и плати за кадарот кој ќе биде дел од одделението за онлај обуки). IV. ОЧЕКУВАНИ РЕЗУЛТАТИ Како резултат на проучувањата што ќе се спроведат во рамките на студијата, треба да се направат: 1) Извештај што ќе ги содржи методологијата на истражување, добиените сознанија и предлог решенијата што ќе ги следат содржината на студијата дадена во поглавје III вклучувајќи ја и стратегијата за промоција и поддршка на корисниците. 2) Презентација на наодите и препораките од физибилити студијата. V. ВРЕМЕНСКА РАМКА Спроведување на истражувањето, обработка на податоците и поднесување на нацрт извештајот, техничката спецификација и анализата на придобивките и трошоците - 60 работни денови од датумот од потпишување на договорот. Презентација и финализирање на извештајот 10 дена од поднесување на нацрт извештајот. VI. ПОТРЕБНИ КРИТЕРИУМИ НА ПОНУДУВАЧОТ Понудувачот да има спроведено најмалку две Физибилити студии во исто или слично подрачје со предметот на набавка; Да ангажира соодветен стручен тим од најмалку три експерти од областа на образованието и ИКТ: o Раководител на експертски тим: Експерт од областа на образованието или ИКТ со универзитетско образование, минимум 10 години работно искуство, изработка на минимум два проекта од слична природа одговорен за координирање, спроведување и навремена реализација на студијата. o Член на тимот (1), експерт од областа на информатичките науки со универзитетско образование и минимум 5 години работно искуство, изработка на минимум два проекти од слична природа. o Член на тимот (1), експерт од областа на образованието со универзитетско образование минимум 5 години работно искуство во областа на стручното усовршување, изработка на минимум два проекта од слична природа. 6
8 VI. НАЧИН НА АПЛИЦИРАЊЕ На повикот може да се јават правни лица. Апликацијата треба да содржи: - Податоци за фирмите вклучувајќи и професионална биографија (CV) на членовите на тимот - Листа на релевантни студии или технички продукти од исто или слично подрачје, време на реализација и клиенти; - Тековна состојба од Централен регистер; - Предлог методологија и план за реализација на физибилити студијата; - Цена на чинење претставена преку потребен број на денови за секој од консултантите, цена по ден, и вкупна цена. - Контакти од три лица што може да ја потврдат компетентноста на фирмата за спроведување на физибилити студии. VII. ВОВЕДЕН СОСТАНОК - ЗАДОЛЖИТЕЛЕН Сите заинтересирани кои ќе ја преземат документацијата со Опис на работни задачи од интернет страната на МЦГО се покануваат на задолжителен воведен состанок за презентирање на очекуваните резултати и разјаснување на техничките аспекти во процесот на доставување на предлог-проект за физибилити студијата. Состанокот ќе се одржи на 23 септември 2015 година во просториите на Македонскиот центар за граѓанско образование на ул. Козле 1 б, Скопје со почеток во 11 часот. VIII. КРИТЕРИУМИ ЗА ИЗБОР При избор на најдобар предлог проект комисијата составена од претставници на УСАИД, МЦГО и БРО ќе ги разгледа пристигнатите апликации и при одлучувањето ќе се води од следните критериуми: - Цена на чинење 20% - Релевантно искуство на експертите - 20% - Претходни релевантни проекти на правното лице -20% - Приод и методологија - 40% 7
ЕНаука.мк 1 милион Сајт на годината ( Образование, Наука и Култура )
Инфо ЕНаука.мк е единствениoт интернет пoртал вo Р.Македoнија кoј ги следи и пренесува најактуелните нoвoсти, истражувања и достигнувања во повеќе научни области. Главни цели на порталот се враќање на
More informationМарт Opinion research & Communications
Март 2014 Opinion research & Communications Метод: Телефонска анкета Примерок: 800 испитаници кои следат македонски спорт стратификуван со репрезентативен опфат на сите етнички заедници, урбани и рурални
More informationОбука за електронски систем на учење МИКРОУЧЕЊЕ. Материјал за учесници
MIOA301-P5-Z2 Министерство за информатичко општество и администрација Обука за електронски систем на учење МИКРОУЧЕЊЕ Овој материјал е изработен од страна на Министерството за информатичко општество и
More informationЛИСТА НА ЛЕКОВИ КОИ ПАЃААТ НА ТОВАР НА ФОНДОТ ЗА ЗДРАВСТВЕНО ОСИГУРУВАЊЕ НА МАКЕДОНИЈА
Врз основа на член 9 став 1а точка 8 и став 1в точка 2 и член 56 став 1 точка 3 од Законот за здравственото осигурување ( Службен весник на РМ бр. 25/2000, 34/2000, 96/2000, 50/2001, 11/2002, 31/2003,
More informationСОЗДАВАЊЕ ИНОВАТИВНИ УЧИЛИШТА: ПОДГОТВУВАЊЕ НА УЧЕНИЦИТЕ ЗА 21-ОТ ВЕК
СОЗДАВАЊЕ ИНОВАТИВНИ УЧИЛИШТА: ПОДГОТВУВАЊЕ НА УЧЕНИЦИТЕ ЗА 21-ОТ ВЕК Скопје, 2009 Проект за основно образование ПРИРАЧНИК ЗА УЧИЛИШНИTE ТИМОВИ ЗА ПРОФЕСИОНАЛЕН РАЗВОЈ Скопје, 2009 Проект за основно образование
More informationЗаштита на личните податоци во Република Македонија. Охрид, 27 мај 2014 година
Заштита на личните податоци во Република Македонија Охрид, 27 мај 2014 година 1 1 Правна рамка за заштита на личните податоци 2 Закон за заштита на личните податоци ( Службен весник на Република Македонија
More informationСтруктурно програмирање
Аудиториски вежби 1 Верзија 1.0, 20 Септември, 2016 Содржина 1. Околини за развој.......................................................... 1 1.1. Околини за развој (Integrated Development Environment
More informationУниверзитет Св. Климент Охридски - Битола Факултет за туризам и угостителство Охрид. Дипломиран организатор по туризам и угостителство
Кратка биографија ЛИЧНИ ИНФОРМАЦИИ Презиме и име: Контакт адреса: Татјана Димоска Телефон: +389 46 262 147/ 123 (работа) Факс: +389 46 264 215 E-mail: Националност: Македонка Дата на раѓање: 16.10.1974
More information2.3 ЗАКОН ЗА БЕЗБЕДНОСТ И ЗДРАВЈЕ ПРИ РАБОТА. Службен весник на Република Македонија бр. 53 од 11 април 2013 година
2.3 ЗАКОН ЗА БЕЗБЕДНОСТ И ЗДРАВЈЕ ПРИ РАБОТА Службен весник на Република Македонија бр. 53 од 11 април 2013 година ОСНОВНИ БАРАЊА ЗА БЕЗБЕДНОСТ И ЗДРАВЈЕ ПРИ РАБОТА Со Законот за безбедност и здравје при
More informationм-р Марјан Пејовски Сектор за регулатива
Трета анализа на пазар за Физички пристап до мрежна инфраструктура (целосен и поделен разврзан пристап) на фиксна локација и четврта анализа на пазар за услуги со широк опсег м-р Марјан Пејовски Сектор
More informationC U R R I C U L U M V I T A E
C U R R I C U L U M V I T A E Лични податици Име E-маил Националност Валентина Муцунска Палевска v.p.mucunska@utms.edu.mk Македонка Датум на раѓање 09.12.1965 Пол Академска титула Женски Доктор на комуниколошки
More informationПРОЕКТНА ЗАДАЧА ToR 02/2016 ПРАВНИ ЕКСПЕРТИ ЗА ПОДГОТОВКА НА ПРИРАЧНИК ЗА СЛОБОДАТА НА ИЗРАЗУВАЊЕ-ПРАВНИ АСПЕКТИ
Истражувачко новинарство - чувар на демократијата и човековите права ПРОЕКТНА ЗАДАЧА ToR 02/2016 ПРАВНИ ЕКСПЕРТИ ЗА ПОДГОТОВКА НА ПРИРАЧНИК ЗА СЛОБОДАТА НА ИЗРАЗУВАЊЕ-ПРАВНИ АСПЕКТИ 1. ВОВЕД 1.1. Позадина
More informationБАРAЊE ЗА ИЗДАВАЊЕ/ПРОДОЛЖУВАЊЕ НА ДОЗВОЛА ЗА ПРИВРЕМЕН ПРЕСТОЈ APPLICATION FOR ISSUE/EXTENSION OF TEMPORARY RESIDENCE PERMIT
Образец бр.2 Назив на органот до кој барањето се поднесува Name of the receiving authority Priemen штембил Stamp of receipt БАРAЊE ЗА ИЗДАВАЊЕ/ПРОДОЛЖУВАЊЕ НА ДОЗВОЛА ЗА ПРИВРЕМЕН ПРЕСТОЈ APPLICATION FOR
More informationПРЕДЛОГ КАТАЛОГ НА ОСНОВНИ ПРОФЕСИОНАЛНИ КОМПЕТЕНЦИИ НА НАСТАВНИЦИТЕ
Проект за професионален и кариерен развој на наставниците Компетентен наставник за секој ученик ПРЕДЛОГ КАТАЛОГ НА ОСНОВНИ ПРОФЕСИОНАЛНИ КОМПЕТЕНЦИИ НА НАСТАВНИЦИТЕ Септември, 2013 Проектот го спроведува
More informationКОСМО ИНОВАТИВЕН ЦЕНТАР
КОСМО ИНОВАТИВЕН ЦЕНТАР бул. Јане Сандански бр.113, 1000 Скопје фах.+389 2 244 8240 тел.+389 2 244 8077 contact@cosmoinnovate.com.mk ЦЕНОВНИК НА ОБУКИ ЗА 2011/2012 ГОДИНА Со овие обуки кандидатите ги надополнуваат
More informationС О Д Р Ж И Н А. Број 10 Год. LXV Петок, 23 јануари 2009 Цена на овој број е 270 денари. Стр.
Број 10 Год. LXV Петок, 23 јануари 2009 Цена на овој број е 270 денари www.slvesnik.com.mk contact@slvesnik.com.mk С О Д Р Ж И Н А Стр. 225. Одлука за давање согласност на Одлуката за припојување на Јавната
More informationЗа обуката ВОВЕД ВО НОВИОТ ПРЕДМЕТ
За обуката ВОВЕД ВО НОВИОТ ПРЕДМЕТ Распоред на активности 10.00-11.30 прв блок часови 11.30-11.40 пауза 11.40 13.10 втор блок часови 13.10 13.50 пауза за ручек 13.50 15.20 трет блок часови 15.20 15.30
More informationБезбедност и здравје на работа
Безбедност и здравје на работа Предлог-основи за организирање на образование и обука во областа на безбедност и здравје на работа Проф. Елисавета Стикова УКИМ- Медицински Факултет, Институт за јавно здравје
More informationСтруктурирани бази на наставни материјали и дигитална трансформација. студија на случај Република Македонија
Структурирани бази на наставни материјали и дигитална трансформација 2 Содржина Листа на табели... 7 Листа на графикони... 10 1. ВОВЕД... 11 1. 1. Мотивација, предмет и цел на истражувањето... 11 1. 2.
More informationMANAGEMENT & LEADERSHIP SCHOOL FOR ENGINEERS МЕНАЏЕРСКА И ЛИДЕРСКА ШКОЛА ЗА ИНЖЕНЕРИ
MANAGEMENT & LEADERSHIP SCHOOL FOR ENGINEERS МЕНАЏЕРСКА И ЛИДЕРСКА ШКОЛА ЗА ИНЖЕНЕРИ МЕНАЏЕРСКА И ЛИДЕРСКА ШКОЛА ЗА ИНЖЕНЕРИ Институтот за Истражување во животна средина, градежништво и енергетика ИЕГЕ
More informationБиланс на приходи и расходи
1 of 5 28.02.2015 23:20 ЕМБС: 05196248 Целосно име: Здружение за советување,лекување,реинтеграција и ресоцијализација на лица зависни од психоактивни супстанции ИЗБОР-Струмица Вид на работа: 540 Тип на
More informationБиланс на приходи и расходи
1 of 5 06.03.2016 12:00 ЕМБС: 05196248 Целосно име: Здружение за советување,лекување,реинтеграција и ресоцијализација на лица зависни од психоактивни супстанции ИЗБОР-Струмица Вид на работа: 540 Тип на
More informationПроект. "Национален рурален парламент како глас на руралното. население" ПРОГРАМА ЗА МАЛИ ГРАНТОВИ ПОВИК И УПАТСТВО ЗА ПРИЈАВУВАЊЕ
ИПА Програма за граѓанско општество и медиуми 2015 Поддршка на организациите на граѓанското општество во рамките на Акцискиот план за граѓанско општество 2015 година Проект "Национален рурален парламент
More informationСредно образование природно математичка гимназија Никола Карев Скопје, Р.Македонија
Лични податоци Борче Христов Дата на раѓање: 18.12.1978 Место на раѓање: Скопје, Република Македонија Брачна состојба: женет Образование Универзитетско образование дипломиран економист - 2003 година на
More informationeтвининг Заедница на училишта во ЕВРОПА
etwinning n ng eтвининг CREATIVITYCONFIDENCEPRACTICE TRAVELINGFRIENDSHIPACTIVITY MOBILITYSKILLSCULTRE QUALITYEXPERIENCEEXCHANGE PERSPECTIVEINNOVATION Заедница на училишта во ЕВРОПА Е-ТВИНИНГ Содржина Што
More informationНАСТАВНИК ПО МУЗИЧКО ОБРАЗОВАНИЕ - ПОДГОТОВКА ЗА РЕАЛИЗАЦИЈА НА ИЗБОРНИТЕ ПРЕДМЕТИ ВО ОСНОВНИТЕ УЧИЛИШТА
Ленче НАСЕВ 1 НАСТАВНИК ПО МУЗИЧКО ОБРАЗОВАНИЕ - ПОДГОТОВКА ЗА РЕАЛИЗАЦИЈА НА ИЗБОРНИТЕ ПРЕДМЕТИ ВО ОСНОВНИТЕ УЧИЛИШТА Апстракт Образованието и стручното усовршување претставуваат клучни елементи за развој
More informationКОНКУРС ЗА ИЗБОР НА НАСТАВНИЦИ ВО СИТЕ НАСТАВНО НАУЧНИ ЗВАЊА И АСИСТЕНТИ - ДОКТОРАНТИ (АСИСТЕНТИ ДОКТОРАНДИ) НА УНИВЕРЗИТЕТОТ МАЈКА ТЕРЕЗА ВО СКОПЈЕ
КОНКУРС ЗА ИЗБОР НА НАСТАВНИЦИ ВО СИТЕ НАСТАВНО НАУЧНИ ЗВАЊА И АСИСТЕНТИ - ДОКТОРАНТИ (АСИСТЕНТИ ДОКТОРАНДИ) НА УНИВЕРЗИТЕТОТ МАЈКА ТЕРЕЗА ВО СКОПЈЕ Врз основа на член 131 од Законот за високото образование
More informationПовик за поддршка на локални граѓански организации
Проект: Со критичко мислење до граѓани со медиумска умешност КриТинк Метаморфозис, фондација за интернет и општество и Евротинк - Центар за европски стратегии во рамки на проектот Со критичко мислење до
More informationРЕПУБЛИКА МАКЕДОНИЈА ДРЖАВЕН ЗАВОД ЗА РЕВИЗИЈА. Стратегија на ДЗР
РЕПУБЛИКА МАКЕДОНИЈА ДРЖАВЕН ЗАВОД ЗА РЕВИЗИЈА Стратегија на ДЗР 2008-2012 Скопје, јуни 2008 СОДРЖИНА СТРАНА ПРЕДГОВОР 3 МИСИЈА 4 ВИЗИЈА 4 ОСНОВНИ ПРИНЦИПИ ВО РАБОТЕЊЕТО НА ДЗР 5 ПРЕДИЗВИЦИ ВО РЕПУБЛИКА
More informationПетти состанок на Локалната советодавна група Записник од состанокот
Technical Assistance for Civil Society Organisations Macedonian Office This project is funded by the European Union. Петти состанок на Локалната советодавна група Записник од состанокот Датум: 26ти Октомври
More informationAlgorithms and Data Structures. 7. Број на ЕКТС кредити
1. Наслов на наставниот предмет Алгоритми и податочни структури Algorithms and Data Structures 2. Код CSEW301 3. Студиска програма 4. Организатор на студиската програма (единица, односно институт, катедра,
More informationКАРАКТЕРИСТИКИ НА НАСТАВНИТЕ ПРОГРАМИ ПО МАТЕМАТИКА ЗА ОСНОВНО ОБРАЗОВАНИЕ ( , , )
МАТЕМАТИЧКИ ОМНИБУС, 2 (2017), 107 121 КАРАКТЕРИСТИКИ НА НАСТАВНИТЕ ПРОГРАМИ ПО МАТЕМАТИКА ЗА ОСНОВНО ОБРАЗОВАНИЕ (1996 1998, 2007 2009, 2013 2015) Лидија Кондинска 1 Снежана Ристовска 2 Промените во наставата
More informationКонцептуален документ за Национални работни групи за РЈА
Концептуален документ за Национални работни групи за РЈА На кратко: Што претставуваат Националните работни групи за РЈА (НРГ)? НРГ претставуваат национален консултативен механизам за учество на граѓанското
More informationСЛУЖБЕН ГЛАСНИК НА ОПШТИНА КРИВОГАШТАНИ
СЛУЖБЕН ГЛАСНИК НА ОПШТИНА КРИВОГАШТАНИ СЛУЖБЕН ГЛАСНИК НА ОПШТИНА КРИВОГАШТАНИ ИЗЛЕГУВА ПО ПОТРЕБА 26.10.2016 ГОДИНА БРОЈ 12 ГОДИНА XX КРИВОГАШТАНИ Трезорска сметка на Буџет на општина 739014068163019
More informationУНИВЕРЗИТЕТ,,ГОЦЕ ДЕЛЧЕВ ШТИП ФАКУЛТЕТ ЗА ОБРАЗОВНИ НАУКИ. ВОСПИТАНИЕ списание за образовна теорија и практика
УНИВЕРЗИТЕТ,,ГОЦЕ ДЕЛЧЕВ ШТИП ФАКУЛТЕТ ЗА ОБРАЗОВНИ НАУКИ ВОСПИТАНИЕ списание за образовна теорија и практика Штип, 2012/2013 ВОСПИТАНИЕ списание за образовна теорија и практика год.8, број 12 2012/2013
More informationЗАКОН ЗА СРЕДНОТО ОБРАЗОВАНИЕ КОНСОЛИДИРАН ТЕКСТ
ЗАКОН ЗА СРЕДНОТО ОБРАЗОВАНИЕ КОНСОЛИДИРАН ТЕКСТ ( Службен весник на Република Македонија бр. 44/1995, 24/1996, 34/1996, 35/1997, 82/1999, 29/2002, 40/2003, 42/2003, 67/2004, 55/2005, 113/2005, 35/2006,
More informationГОДИШЕН УСПЕХ ИЗВЕШТАЈ план. менаџмент. реформа. можност. процес. идеја. организација мотивација. едукација ЦЕЛ. инспирација. вредности.
ГОДИШЕН ИЗВЕШТАЈ 2013 УСПЕХ иновација процес информација реформа ЦЕЛ план организација мотивација инспирација Промени лидерство можност менаџмент едукација идеја вредности лидерство Содржина ВОВЕД ГЛАВНИ
More informationДаночен семинар 2011 kpmg.com.mk
КПМГ Македонија Даночен семинар 2011 kpmg.com.mk Почитувани клиенти, деловни соработници и пријатели, Ќе ни биде задоволство доколку Вие и Вашите колеги присуствувате на Даночниот семинар 2011 во организација
More informationРЕФОРМАТА НА ЈАВНАТА АДМИНИСТРАЦИЈА ВО РЕПУБЛИКА МАКЕДОНИЈА
Проектот ИПА 2 Механизам за граѓанските организации e спроведуван од ЕВРОТИНК, Еко-свест, Реактор и Зенит. Овој проект е финансиран од Европската Унија, ИПА Програма за граѓанско општество и медиуми 2014,
More informationМарија Баток, студент на специјалистички студии втор циклус
д-р Соња Петровска, вонреден професор Факултет за образовни науки, Универзитет Гоце Делчев Штип Бул. Крсте Мисирков 10-а, 2000 Штип sonja.petrovska@ugd.edu.mk Марија Баток, студент на специјалистички студии
More informationВовед во мрежата nbn. Што е тоа австралиска nbn мрежа? Што ќе се случи? Како да се префрлите на мрежата nbn. Што друго ќе биде засегнато?
Вовед во мрежата nbn 1 Што е тоа австралиска nbn мрежа? 2 Што ќе се случи? 3 Како да се префрлите на мрежата nbn 4 Што друго ќе биде засегнато? 5 Што треба следно да сторите 1 Што е тоа австралиска nbn
More informationЗАКОН ЗА ИЗМЕНУВАЊЕ И ДОПОЛНУВАЊЕ НА ЗАКОНОТ ЗА ВЕШТАЧЕЊЕ
ЗАКОН ЗА ИЗМЕНУВАЊЕ И ДОПОЛНУВАЊЕ НА ЗАКОНОТ ЗА ВЕШТАЧЕЊЕ Член 1 Во Законот за вештачење ( Службен весник на Република Македонија број 115/10 и 12/14), во членот 1 зборовите: како и други прашања кои се
More informationОдносот помеѓу интерната и екстерната ревизија. Презентира: Верица Костова
Односот помеѓу интерната и екстерната ревизија Презентира: Верица Костова Што е ревизија http://www.youtube.com/watch?v=rjmgrdjhufs&sns=em Регулирање на внатрешната ревизија Закон за банки Закон за супервизија
More informationЗошто ни е потребен слободниот пристап до информации од јавен карактер и што претставува овој концепт?
,,Secrecy, being an instrument of conspiracy, ought never to be the system of a regular government. Зошто ни е потребен слободниот пристап до информации од јавен карактер и што претставува овој концепт?
More informationГОДИШНА ПРОГРАМА ЗА ОБУКИ НА КОНТРОЛОРИ И ОБРАБОТУВАЧИ ЗА 2016 ГОДИНА. Бр / година
ГОДИШНА ПРОГРАМА ЗА ОБУКИ НА КОНТРОЛОРИ И ОБРАБОТУВАЧИ ЗА 2016 ГОДИНА Бр. 02-2524/1 23.11.2015 година Врз основа на член 40 став 1 алинеја 14 и член 41-а од Законот за заштита на личните податоци ( Службен
More informationУЛОГА НА НАСТАВНИКОТ ВО РАБОТАТА СО ТАЛЕНТИРАНИТЕ УЧЕНИЦИ
Proc. V Congres UDC:37.091.2-057.87-056.445 2014 (67-74) ISBN 978-9989-646-69-0 Скопје, Македонија УЛОГА НА НАСТАВНИКОТ ВО РАБОТАТА СО ТАЛЕНТИРАНИТЕ УЧЕНИЦИ Цана Наумовска 1, Данче Сивакова 2, Јованка
More informationINTERNATIONAL STANDARDS FOR THE PROFESSIONAL PRACTICE OF INTERNAL AUDITING (STANDARDS)
INTERNATIONAL STANDARDS FOR THE PROFESSIONAL PRACTICE OF INTERNAL AUDITING (STANDARDS) МЕЃУНАРОДНИ СТАНДАРДИ ЗА ПРОФЕСИОНАЛНО ИЗВРШУВАЊЕ НА ВНАТРЕШНА РЕВИЗИЈА (СТАНДАРДИ) Ревидирани: Октомври 2016 I Во
More informationМобилност МК Mobility MK
I S S N 1 8 5 7-8 7 3 X 2 Мобилност МК Mobility MK Г О Д И Н А 2, И З Д А Н И Е 3 О К Т О М В Р И 2 0 1 4 V O L U M E 2, I S S U E 3 O C T O B E R 2 0 1 4 В О Ф О К У С О Т : Национална 1 агенција Промотивни
More informationФОНД ЗА ЗДРАВСТВЕНО ОСИГУРУВАЊЕ НА МАКЕДОНИЈА ПРИРАЧНИК ЗА РАБОТА СО МОДУЛОТ ПОДНЕСУВАЊЕ НА БАРАЊЕ ЗА БОЛЕДУВАЊЕ ПРЕКУ ПОРТАЛОТ НА ФЗОМ
ФОНД ЗА ЗДРАВСТВЕНО ОСИГУРУВАЊЕ НА МАКЕДОНИЈА ПРИРАЧНИК ЗА РАБОТА СО МОДУЛОТ ПОДНЕСУВАЊЕ НА БАРАЊЕ ЗА БОЛЕДУВАЊЕ ПРЕКУ ПОРТАЛОТ НА ФЗОМ Скопје, март 2015 година Содржина 1 Процес на поднесување на барање
More information1. Наслов на наставниот предмет Имплементација на системи со отворен код. Implementation of open source systems. 7. Број на ЕКТС кредити
1. Наслов на наставниот предмет Имплементација на системи со отворен код Implementation of open source systems 2. Код CSEW514 3. Студиска програма ИКИ, КНИ, ЕТ 4. Организатор на студиската програма (единица,
More informationАнализа на пазарот, прелиминарни пазарни консултации и претходно учество на кандидатите/понудувачите
Резиме 32 Септември, 2016 година Јавни набавки Анализа на пазарот, прелиминарни пазарни консултации и претходно учество на кандидатите/понудувачите СОДРЖИНА Вовед Непосредна соработка со економските оператори
More informationОбука за менаџирање на стрес на работно место
Обука за менаџирање на стрес на работно место Обуката за стрес се спроведува преку 27 часа теоретски дел -обука (спроведена во 6 сесии, секоја во траење од 4, 5 часа), и една индивидуална средба за поддршка
More informationКОНКУРС. За запишување студенти на факултетите на Универзитетот на Југоисточна Европа во академската 2012/2013 година
КОНКУРС За запишување студенти на факултетите на Универзитетот на Југоисточна Европа во академската 2012/2013 година Врз основа на член 108 од Законот за високото образование (Службен весник на Р. М бр.
More informationФОНД ЗА ЗДРАВСТВЕНО ОСИГУРУВАЊЕ НА МАКЕДОНИЈА
ФОНД ЗА ЗДРАВСТВЕНО ОСИГУРУВАЊЕ НА МАКЕДОНИЈА Врз основа на член 54 став 1 точка 14, а во врска со член 54 став 1 точка 8 и член 63-а, 63-б и 63-в од Законот за здравственото осигурување ( Службен весник
More informationУНИВЕРЗИТЕТ ГОЦЕ ДЕЛЧЕВ - ШТИП ПЕДАГОШКИ ФАКУЛТЕТ ПОСТДИПЛОМСКИ СТУДИИ ОД ОБЛАСТА НА ОБРАЗОВАНИЕТО КАТЕДРА ЗА ДИДАКТИКА
УНИВЕРЗИТЕТ ГОЦЕ ДЕЛЧЕВ - ШТИП ПЕДАГОШКИ ФАКУЛТЕТ ПОСТДИПЛОМСКИ СТУДИИ ОД ОБЛАСТА НА ОБРАЗОВАНИЕТО КАТЕДРА ЗА ДИДАКТИКА ПОРТФОЛИОТО КАКО НАЧИН НА ВРЕДНУВАЊЕ НА ПОСТИГАЊАТА НА УЧЕНИЦИТЕ МАГИСТЕРСКИ ТРУД
More informationПРОМЕНИ ВО РАКОВОДЕЊЕТО НА ОРГАНИЗАЦИЈА ЧИЈА ОСНОВНА ДЕЈНОСТ Е ИНЖЕНЕРИНГ
6. СОВЕТУВАЊЕ Охрид, 4-6 октомври 2009 Игор Трајковски, дипл.ел.инг. NETRA ltd. Telecommunication engineering, Скопје Проф.д-р. Атанас Илиев, дипл.ел.инг. ФЕИТ, Скопје ПРОМЕНИ ВО РАКОВОДЕЊЕТО НА ОРГАНИЗАЦИЈА
More informationПРАВИЛНИК ЗА СОДРЖИНАТА И ФОРМАТА НА ДИПЛОМАТА И ДОДАТОКОТ НА ДИПЛОМАТА И ДРУГИ ИСПРАВИ ИЗДАДЕНИ ОД УНИВЕРЗИТЕТОТ
Врз основа на член 116 од Законот за високото образование (Службен весник на Р. Македонија бр. 35/08, 103/08, 26/09, 83/09, 99/09, 115/10 и 17/11) и Правилникот за содржината и формата, упатството за подготовка
More informationНаставници, инклузивна настава и педагогија во чиј центар се децата
Наставници, инклузивна настава и педагогија во чиј центар се децата Вебинар 12 - помошна стручна брошура ДИПЛОМА Фонд за деца на Обединетите нации (УНИЦЕФ) 2014 За авторот: Д-р Питер Грајмс е лектор за
More information200 Филозофски факултет, Институт за дефектологија
200 Филозофски факултет, Институт за дефектологија Инклузија на учениците со аутистичен спектар на нарушувања Александра Митевска 1, Владимир Трајковски 2 1 Постдипломец на Институт за дефектологија, Филозофски
More informationКЛИНИЧКА ФАРМАЦИЈА И ФАРМАКОТЕРАПИЈА ПРАКТИКУМ
УНИВЕРЗИТЕТ ГОЦЕ ДЕЛЧЕВ ВО ШТИП Зорица Арсова-Сарафиновска Трајан Балканов Марија Дарковска-Серафимовска Верица Ивановска 1 Штип, 2015 УНИВЕРЗИТЕТ ГОЦЕ ДЕЛЧЕВ ВО ШТИП Зорица Арсова-Сарафиновска; Трајан
More informationGENERAL PROVISIONS Submission by post: On-line submission:
GENERAL PROVISIONS 1. The eight edition of Macedonian International Animation Festival Animax Skopje Fest will be held in Skopje, Republic of Macedonia from 22th to 24 th of November 2018. 2. The Festival
More informationЗападен Балкан - Препорака за учество на јавноста
Западен Балкан - Препорака за учество на јавноста Преамбула Министрите надлежни за реформите на јавната администрација во државите на Западниот Балкан, Согледувајќи дека реформата на јавната администрација
More informationУНИВЕРЗИТЕТ ГОЦЕ ДЕЛЧЕВ ШТИП ФАКУЛТЕТ ЗА ИНФОРМАТИКА. Математичко-информатичко образование. Добрила Јовановска
УНИВЕРЗИТЕТ ГОЦЕ ДЕЛЧЕВ ШТИП ФАКУЛТЕТ ЗА ИНФОРМАТИКА Математичко-информатичко образование УНАПРЕДУВАЊЕ НА ПРОЦЕСОТ НА ПРОВЕРКА НА ЗНАЕЊАТА ПО МАТЕМАТИКА ПО ЕЛЕКТРОНСКИ ПАТ СО ПРИМЕНА НА НЕКОИ СОФТВЕРСКИ
More informationСОБРАНИЕ НА РЕПУБЛИКА МАКЕДОНИЈА
20140421215 СОБРАНИЕ НА РЕПУБЛИКА МАКЕДОНИЈА Врз основа на членот 75 ставови 1 и 2 од Уставот на Република Македонија, претседателот на Република Македонија и претседателот на Собранието на Република Македонија
More informationУПАТСТВО ЗА КОРИСТЕЊЕ НА СИСТЕМОТ ЗА ЕЛЕКТРОНСКО БАНКАРСТВО КОРПОРАТИВНО
УПАТСТВО ЗА КОРИСТЕЊЕ НА СИСТЕМОТ ЗА ЕЛЕКТРОНСКО БАНКАРСТВО КОРПОРАТИВНО Содржина: - Најава на системот...2 1. Сметки...3 2. Провизии...5 3. Курсна листа...5 4. Плаќања...6 НАЈАВА НА СИСТЕМОТ По добивањето
More informationПроект: Поголема партиципација - подобри политики и регулативи. Екстерно оценување, предизвици и следни чекори: Екстерно оценување по секоја цена?
Проект: Поголема партиципација - подобри политики и регулативи Екстерно оценување, предизвици и следни чекори: Екстерно оценување по секоја цена? Проект: Поголема партиципација - подобри политики и регулативи
More informationУниверзитет Гоце Делчев - Штип. Факултет за информатика. Катедра за софтверско инженерство ЗОРАН МИЛЕВСКИ ЕДУКАТИВНО ПОДАТОЧНО РУДАРЕЊЕ СО MOODLE 2.
Универзитет Гоце Делчев - Штип Факултет за информатика Катедра за софтверско инженерство ЗОРАН МИЛЕВСКИ ЕДУКАТИВНО ПОДАТОЧНО РУДАРЕЊЕ СО MOODLE 2.4 -МАГИСТЕРСКИ ТРУД- Штип, јули 2015 Комисија за оценка
More informationКОНТРОЛНА ЛИСТА ЗА ИЗРАБОТКА НА ЗАКОНИ И ЗА РЕГУЛАТОРНО УПРАВУВАЊЕ ВО ЦЕНТРАЛНА И ИСТОЧНА ЕВРОПА. СИГМА ДОКУМЕНТ Бр. 15, 1997
СИГМА Поддршка за подобрување на раководењето и управувањето Заедничка иницијатива на ОЕЦД и Европската унија, главно финансирана од ЕУ КОНТРОЛНА ЛИСТА ЗА ИЗРАБОТКА НА ЗАКОНИ И ЗА РЕГУЛАТОРНО УПРАВУВАЊЕ
More informationДоживотно учење во областа на одржливите технологии
PROJECT 158989 - TEMPUS-1-2009 2009-1-BE -TEMPUS-JPHES CREATION OF UNIVERSITY-ENTERPRISE ENTERPRISE COOPERATION NETWORKS FOR EDUCATION ON SUSTAINABLE TECHNOLOGIES Доживотно учење во областа на одржливите
More informationПРИРАЧНИК ЗА ПРОЕКТЕН МЕНАЏМЕНТ
ОБУКА ЗА ПРИРАЧНИК ЗА (пример од глава I) Предавач: Андријана Богдановска Ѓуровиќ KNOWLEDGE CENTER, 2011 ГЛАВА 1 ВОВЕД И КОНЦЕПТ НА ПРОЕКТНИОТ МЕНАЏМЕНТ Цели Целта на воведот е даде преглед на проектниот
More informationC U R R I C U L U M V I T A E. Лични податoци Сашко Граматниковски Телефон
C U R R I C U L U M V I T A E Лични податoци Име Сашко Граматниковски Телефон +38972254199 E-маил Националност s.gramatnikovski@utms.edu.mk Македонец Датум на раѓање 14.01.1975 Пол Академска титула Машки
More informationУНИВЕРЗИТЕТ ГОЦЕ ДЕЛЧЕВ ШТИП ПРАВЕН ФАКУЛТЕТ Јавна администрација Штип. Виолета Ничева Тиквешанска
УНИВЕРЗИТЕТ ГОЦЕ ДЕЛЧЕВ ШТИП ПРАВЕН ФАКУЛТЕТ Јавна администрација Штип Виолета Ничева Тиквешанска Развојот на граѓанското општество во Република Македонија: Финансирањето на граѓанскиот сектор од општинските
More informationалката што недостасува за активно граѓанство 2/МЕДИУМСКАТА ПИСМЕНОСТ ВО МАКЕДОНИЈА
МЕДИУМСКАТА ПИСМЕНОСТ ВО МАКЕДОНИЈА 2/МЕДИУМСКАТА ПИСМЕНОСТ ВО МАКЕДОНИЈА ИЗВАДОК ОД ИСТРАЖУВАЊЕТО МЕДИУМСКАТА ПИСМЕНОСТ ВО МАКЕДОНИЈА: алката што недостасува за активно граѓанство ЦЕЛОТО ИСТРАЖУВАЊЕ Е
More informationМобилност МК Mobility MK
Мобилност МК Mobility MK Г О Д И Н А 1, И З Д А Н И Е 1 М А Р Т 2 0 1 3 V O L U M E 1, I S S U E 1 M A R C H 2 0 1 3 В О Ф О К У С О Т : Вовед Наципнални ппвици за прпграмите Дпживптнп учеое и Млади вп
More informationУПАТСТВО ЗА ПРОЦЕНКА НА ПОВРЗАНОСТА НА СОСТОЈБАТА НА ИНВАЛИДИТЕТ И ЖИВОТНАТА И РАБОТНАТА СРЕДИНА НА ЛИЦАТА СО ПОСЕБНИ ПОТРЕБИ
ЈЗУ ИНСТИТУТ ЗА ЈАВНО ЗДРАВЈЕ НА РЕПУБЛИКА МАКЕДОНИЈА- СКОПЈЕ УПАТСТВО ЗА ПРОЦЕНКА НА ПОВРЗАНОСТА НА СОСТОЈБАТА НА ИНВАЛИДИТЕТ И ЖИВОТНАТА И РАБОТНАТА СРЕДИНА НА ЛИЦАТА СО ПОСЕБНИ ПОТРЕБИ Скопје, 2015
More informationМобилност МК Mobility MK
I S S N 1 8 5 7-8 7 3 X 2 Мобилност МК Mobility MK Г О Д И Н А 43, ЈД У Е Н К И Е М2 В0 Р1 И 6 И З Д А Н И Е 4 2 V O L U M E 2 0 1 5 3, 4 I S S U E D E C E M J U B E N R E 4 2 2 0 1 6 5 Еразмус+ обука
More informationAdvanced databases. Факултет за информатички науки и компјутерско инженерство ФИНКИ. 7. Број на ЕКТС кредити. Бази на податоци
1. Наслов на наставниот предмет Напредни бази на податоци Advanced databases 2. Код CSES619 3 Студиска прогама КНИ, ЕТ,АСИ 4. Организатор на студиската програма (единица, односно институт, катедра, оддел)
More informationПредуслови. Чекор 1. Централен регистар на Р.М. Упатство за пристап до системот за Е-Поднесување на годишни сметки 1
Чекор 1 Предуслови Предуслпвите кпи е пптребнп да ги задпвплите за успешнп ппднесуваое на гпдишна сметки се: - Да имате пристап вп апликацијата за електрпнскп ппднесуваое на гпдишни сметки; - Вашипт правен
More informationКоисмение.Штозначиме.
Коисмение.Штозначиме. Исто како стоките и податоците, така GW ги движи и луѓето кои доаѓаат во контакт со портокаловата мрежа, внатрешно или надворешно. Ние се движиме напред со нашите клиенти, со напреден
More informationУНИВЕРЗИТЕТ ГОЦЕ ДЕЛЧЕВ ШТИП ЕКОНОМСКИ ФАКУЛТЕТ МБА Менаџмент Штип. Весна Денчова
УНИВЕРЗИТЕТ ГОЦЕ ДЕЛЧЕВ ШТИП ЕКОНОМСКИ ФАКУЛТЕТ МБА Менаџмент Штип ОБУКА И РАЗВОЈ НА ЧОВЕЧКИТЕ РЕСУРСИ ВО ЛОКАЛНАТА АДМИНИСТРАЦИЈА ВО ОПШТИНА ШТИП МАГИСТЕРСКИ ТРУД Штип, Комисија за оценка и одбрана Ментор
More informationМобилност МК Mobility MK V O L U M E 3, I S S U E 4
I S S N 1 8 5 7-8 7 3 X 2 Мобилност МК Mobility MK Г О Д И Н А 3, И З Д А Н И Е 4 Д Е К Е М В Р И 2 0 1 5 V O L U M E 3, I S S U E 4 D E C E M B E R 2 0 1 5 ВО ФОКУСОТ: ПОВИК ЗА ПРЕДЛОГ ПРОЕКТИ 2016 EAC/
More informationГодишен извештај за работа на Институтот на овластени ревизори на РМ за 2016 година
Врз основа на член 19 став (1) точка 20) од Законот за ревизија (Службен весник на РМ, број 158/2010, 135/2011, 188/2013, 43/2014, 138/2014, 192/2015 и 23/2016 година), а во врска со член 24 став (1) точка
More informationод имплементирани проекти од програмите АДИ вингинг АРДО ДА ВИНЧИ ЛАДИ ВО СТУДИСКИ ПОСЕТИ Tвингинг
од имплементирани проекти од програмите Доживотно учење и Млади во акција АДИ ЦИЈА Tвингинг НДТВИГ АРДО ДА ВИНЧИ ЛАДИ ВО ЦИЈА вингинг СТУДИСКИ ПОСЕТИ www.na.org.mk содржина: ДОЖИВОТНО УЧЕЊЕ... 5 МЛАДИ
More informationСовремени науки и технологии. Магистер по компјутерски науки / Насока: Информациски системи
Study program Факултет Циклус на студии Компјутерски науки Современи науки и технологии Втор циклус (Постдипломски) ЕКТС 120 Титула Магистер по компјутерски науки / Насока: Информациски системи Архивски
More informationЗЕЛС ГЛАСИЛО NEWSLETTER ԕԏԑɑȫɒɗԏ ȪԎ ԑɑɒȫɒɗɒȯԑ ȪԎ ɕȫɔԎɕȪԎ0 ЈУНИ JUNE
ГЛАСИЛО NEWSLETTER ЈУНИ - 2012 JUNE - 2012 ЗЕЛС ЕВРОПСКИТЕ Е ВР ОПСКИТЕ ПРЕТСТАВНИЦИ ПРЕТС ТА ВНИЦИ ВООД ВООДУШЕВЕНИ УШЕВЕНИ ОД О ДП ПОДДРШКАТА ОДДРШКАТА ШТО ШТО ЗЕЛС ЗЕ ЛС ИМ ИМ ЈА ЈА ДАВА ДАВА НА Н АС
More informationДА ГИ ОТВОРИМЕ УЧЕБНИЦИТЕ: ОТВОРЕН ПРИСТАП ДО УЧЕБНИЦИТЕ ЗА ОСНОВНО И СРЕДНО ОБРАЗОВАНИЕ
Нацрт анализа на законската рамка за образование и можностите за вклучување на отворените образовни ресурси ДА ГИ ОТВОРИМЕ УЧЕБНИЦИТЕ: ОТВОРЕН ПРИСТАП ДО УЧЕБНИЦИТЕ ЗА ОСНОВНО И СРЕДНО ОБРАЗОВАНИЕ Пишува:
More informationJasminka NOVAKOVA STOJANOVSKA 1
UDK 371.125.8:371.87 Jasminka NOVAKOVA STOJANOVSKA 1 СТРУЧНИОТ СОРАБОТНИК - ПСИХОЛОГ ВО УЧЕНИЧКИОТ ДОМ КАКО МЕНТОР НА ВОСПИТНИОТ ТИМ ВО МЕНАЏИРАЊЕТО НА КОНФЛИКТИТЕ МЕЃУ ВОСПИТАНИЦИТЕ Апстракт Ученичкиот
More informationconsultancy final presentation conceptual presentation of proposals projects Feasibility Cost Study for converting space
recording existing state of the facility listening to client s requests real assessment of space capabilities assessment of state of structual elements recomendation for improvement of stability of existing
More informationПЕТТИ СОСТАНОК НА ЕКСПЕРТСКАТА ГРУПА НА ENTERPRISE EUROPE NETWORK ЗА СЕДМАТА РАМКОВНА ПРОГРАМА
ПЕТТИ СОСТАНОК НА ЕКСПЕРТСКАТА ГРУПА НА ENTERPRISE EUROPE NETWORK ЗА СЕДМАТА РАМКОВНА ПРОГРАМА Во организација на Европскиот информативен и иновативен центар во Македонија, дел од Enterprise Europe Network,
More informationClip media group - Newsletter vol.vii - December
Clip media group - Newsletter vol.vii - December 2017 - www.clip.mk Агрегатор со најмногу линкувани вести од македонски извори. Најголема база на медиуми (портали, телевизии, радија, весници). Единствен
More informationПРИРАЧНИК ЗА СТРАТЕШКО ПЛАНИРАЊЕ
Република Македонија ВЛАДА НА РЕПУБЛИКА МАКЕДОНИЈА - Генерален секретаријат - - Министерство за информатичко општество и администрација - ПРИРАЧНИК ЗА СТРАТЕШКО ПЛАНИРАЊЕ Скопје, јануари 2014 очитувани,
More informationПРЕДЛОГ ЗА ДОНЕСУВАЊЕ НА ЗАКОН ЗА ОСНОВАЊЕ НА АГЕНЦИЈА ЗА ПРОМОЦИЈА И ПОДДРШКА НА ТУРИЗМОТ ВО РЕПУБЛИКА МАКЕДОНИЈА СО ПРЕДЛОГ НА ЗАКОН
ВЛАДА НА РЕПУБЛИКА МАКЕДОНИЈА ПРЕДЛОГ ЗА ДОНЕСУВАЊЕ НА ЗАКОН ЗА ОСНОВАЊЕ НА АГЕНЦИЈА ЗА ПРОМОЦИЈА И ПОДДРШКА НА ТУРИЗМОТ ВО РЕПУБЛИКА МАКЕДОНИЈА СО ПРЕДЛОГ НА ЗАКОН Скопје, јули 2008 1. УСТАВЕН ОСНОВ ЗА
More informationКЛУЧНИ ДВИГАТЕЛИ ВО ПОТРЕБИТЕ ЗА ОПТИМАЛНИ ОДРЕДБИ ЗА ПОСЕБНО ОБРАЗОВАНИЕ: АНГЛИСКА СТУДИЈА
ДЕФЕКТОЛОШКА СТРУЧНО-НАУЧНА ПРОБЛЕМАТИКА дефектолошка стручно-научна проблематика special education-professional and scientific issues КЛУЧНИ ДВИГАТЕЛИ ВО ПОТРЕБИТЕ ЗА ОПТИМАЛНИ ОДРЕДБИ ЗА ПОСЕБНО ОБРАЗОВАНИЕ:
More informationНАРОДЕН ПРАВОБРАНИТЕЛ НА РЕПУБЛИКА МАКЕДОНИЈА ГОДИШНА ПРОГРАМА
НАРОДЕН ПРАВОБРАНИТЕЛ НА РЕПУБЛИКА МАКЕДОНИЈА ГОДИШНА ПРОГРАМА на Одделението за превенција од тортура и друг вид на свирепо, нечовечко или понижувачко постапување или казнување ЗА 2011 ГОДИНА Скопје,
More informationСостојба и перспективи на наставата по физика дизајнирана според преземени и адаптирани наставни програми
Состојба и перспективи на наставата по физика дизајнирана според преземени и адаптирани наставни програми Боце Митревски Универзитет Св. Кирил и Методиј во Скопје, Природно-математички факултет, Скопје,
More informationМЕЃУНАРОДНО СПИСАНИЕ ЗА ОБРАЗОВАНИЕ, ИСТРАЖУВАЊЕ И ОБУКА INTERNATIONAL JOURNAL FOR EDUCATION, RESEARCH AND TRAINING (IJERT)
ISSN 1857-9841 (Printed) ISSN 1867-985X (Online) МЕЃУНАРОДНО СПИСАНИЕ ЗА ОБРАЗОВАНИЕ, ИСТРАЖУВАЊЕ И ОБУКА INTERNATIONAL JOURNAL FOR EDUCATION, RESEARCH AND TRAINING (IJERT) ijert.fzf.ukim.edu.mk Волумен
More informationПреземање сертификат користејќи Mozilla Firefox
УПАТСТВО Преземање сертификат користејќи Mozilla Firefox Верзија: 4.0 Датум: 10.01.2018 103.11 КИБС АД Скопје 2017 КИБС АД Скопје, сите права задржани http://www.kibstrust.mk Содржина 1. Како да го преземам
More informationЦИВИКА МОБИЛИТАС МАЛИ АКЦИСКИ ГРАНТОВИ
ЦИВИКА МОБИЛИТАС МАЛИ АКЦИСКИ ГРАНТОВИ ПОВИК ЗА ПРЕДЛОЗИ Реф. бр. ЦМ-МАК-01 ОБРАЗЕЦ ЗА ПРИЈАВА (се пополнува/поднесува само доколку апликантот е писмено поканет да поднесе пријава) Апликант: Име на акцијата:
More informationСкопје, август 2017 година
ПРЕДЛАГАЧ: Владата на Република Македонија ПРЕТСТАВНИЦИ: д-р Арбен Таравари, министер за здравство и д-р Гоце Чакаровски, заменик на министерот за здравство ПОВЕРЕНИЦИ: Владимир Милошев, државен секретар
More information